CM Jagan: టీచర్లందరికీ ఉపాధ్యాయ దినోత్సవ శుభాకాంక్షలు

అమరావతి: ఉపాధ్యాయ దినోత్సవం (Teachers day) సందర్భంగా టీచర్లందరికీ ముఖ్యమంత్రి వైఎస్ జగన్ మోహన్ రెడ్డి (AP CM YS Jaganmohan Reddy) శుభాకాంక్షలు తెలిపారు. ట్విట్టర్ వేదికగా స్పందిస్తూ... ‘‘భ‌విష్య‌త్ త‌రాల‌ను స‌మున్నతంగా తీర్చిదిద్ద‌డంలో టీచ‌ర్లు నిర్వ‌ర్తిస్తున్న పాత్ర ప్ర‌శంస‌నీయ‌మైన‌ది. విద్యారంగంలో రాష్ట్ర ప్రభుత్వం తీసుకువచ్చిన విప్లవాత్మక మార్పులను అమలు చేస్తూ, ప్రపంచ స్థాయి పోటీని ఎదుర్కొనేలా మ‌న పేదింటి పిల్ల‌ల‌ను సుశిక్షితులుగా త‌యారు చేయ‌డంలో ధృడ‌సంక‌ల్పంతో కృషి చేస్తున్న టీచ‌ర్లంద‌రికీ ఉపాధ్యాయ దినోత్స‌వం సంద‌ర్భంగా నా శుభాకాంక్ష‌లు. ఉపాధ్యాయవృత్తికే ఆదర్శంగా నిలిచిన ఆచార్యులు, మాజీ రాష్ట్రపతి సర్వేపల్లి రాధాకృష్ణన్ జయంతి సందర్భంగా నివాళులు’’ అంటూ సీఎం జగన్ ట్వీట్ చేశారు.