AP News: బొగ్గులారీని వెనక నుంచి ఢీకొన్న ఐచర్ వ్యాన్
ABN , First Publish Date - 2023-11-23T10:19:38+05:30 IST
Andhrapradesh: జిల్లాలోని దేవరపల్లి డైమండ్ జంక్షన్ వద్ద గురువారం రోడ్డు ప్రమాదం జరిగింది.
తూర్పుగోదావరి: జిల్లాలోని దేవరపల్లి డైమండ్ జంక్షన్ వద్ద గురువారం రోడ్డు ప్రమాదం జరిగింది. బొగ్గులారీని ఐచర్ వ్యాన్ వెనక నుంచి ఢీ కొట్టింది. ఒరిస్సా నుంచి 65 మంది వలస కూలీలతో ఐచర్ వ్యాన్‌లో కృష్ణా జిల్లాకు వెళుతుండగా ప్రమాదం చోటు చేసుకుంది. ఈ ఘటనలో వ్యాన్‌లో ప్రయాణిస్తున్న పది మందికి స్వల్ప గాయాలయ్యాయి. సమాచారం అందిన వెంటనే పోలీసులు అక్కడకు చేరుకుని గాయపడిన వారిని హైవే అంబులెన్స్‌లో గోపాలపురం సామాజిక కేంద్రానికి తరలించారు. ముగ్గురుని మెరుగైన వైద్యం కోసం రాజమండ్రి ప్రభుత్వ ఆసుపత్రికి తరలించారు. కేసు నమోదు చేసిన దేవరపల్లి పోలీసులు దర్యాప్తు చేపట్టారు.
