Pawan Kalyan: జగన్.. నా ప్రశ్నలకు సమాధానం ఇవ్వండి...
ABN , First Publish Date - 2023-07-23T12:59:50+05:30 IST
1) వాలంటీర్ల బాస్ ఎవరు?; 2) ఏపీ ప్రజల వ్యక్తిగత డేటా మీరు ఎక్కడ నిల్వ చేస్తున్నారు?; 3) వ్యక్తుల వ్యక్తిగత డేటాను సేకరించడానికి, స్వచ్ఛంద సేవకులకు ఎవరు అధికారం ఇచ్చారు.. వారు ప్రభుత్వం ఉద్యోగులు కానప్పుడు ఎలా సేకరిస్తున్నారు.. అంటూ సీఎం జగన్‌ను పవన్ కళ్యాణ్ ప్రశ్నించారు.
అమరావతి: జనసేన అధినేత పవన్ కల్యాణ్ (Pavan kalyan) ట్విట్టర్ వేదికగా ముఖ్యమంత్రి జగన్మోహన్ రెడ్డిని (Jagan Mohan reddy) పశ్నించారు. ‘‘అందరి ఆందోళన ఒక్కటే.. మై డియర్ వాట్సన్!.. మీరు సీఎం అయినా కాకపోయినా డేటా గోప్యతా చట్టాలు అలాగే ఉంటాయి. కాబట్టి ఈ మూడు ప్రాథమిక ప్రశ్నలకు సమాధానం ఇవ్వండి. 1) వాలంటీర్ల బాస్ ఎవరు?; 2) ఏపీ ప్రజల వ్యక్తిగత డేటా మీరు ఎక్కడ నిల్వ చేస్తున్నారు?; 3) వ్యక్తుల వ్యక్తిగత డేటాను సేకరించడానికి, స్వచ్ఛంద సేవకులకు ఎవరు అధికారం ఇచ్చారు.. వారు ప్రభుత్వం ఉద్యోగులు కానప్పుడు ఎలా సేకరిస్తున్నారు..’’ అంటూ జగన్ ప్రతిపక్ష నేతగా ఉన్నప్పుడు డేటా చౌర్యంపై చేసిన వ్యాఖ్యల వీడియోను జనసేనాని పవన్ కల్యాణ్ పోస్ట్ చేశారు.
