Tirumala: శ్రీవారి సేవలో కంచి పీఠాధిపతి
ABN , First Publish Date - 2023-05-15T19:56:37+05:30 IST
కంచి పీఠాధిపతి విజయేంద్ర సరస్వతి సోమవారం తిరుమల వేంకటేశ్వరస్వామిని దర్శించుకున్నారు. ఉదయం నైవేద్య విరామ సమయంలో ఆలయం వద్దకు చేరుకున్న ఆయనకు...
తిరుమల: కంచి పీఠాధిపతి విజయేంద్ర సరస్వతి సోమవారం తిరుమల వేంకటేశ్వరస్వామిని దర్శించుకున్నారు. ఉదయం నైవేద్య విరామ సమయంలో ఆలయం వద్దకు చేరుకున్న ఆయనకు అర్చక బృందం, ఈవో ధర్మారెడ్డి ఇస్తికఫాల్‌తో స్వాగతం పలికారు. మంగళవాయిద్యాల నడుమ ఆలయంలోకి వెళ్లిన విజయేంద్ర సరస్వతి స్వామి ముందుగా ధ్వజస్తంభానికి మొక్కుకుని తర్వాత గర్భాలయంలోని మూలమూర్తిని దర్శించుకున్నారు. పీఠాధిపతికి ఈవో శ్రీవారి తీర్థప్రసాదాలను అందజేశారు. అనంతరం విజయేంద్ర సరస్వతి ఆలయం ముందు మాట్లాడుతూ తిరుమల క్షేత్ర వైభవం ఇలానే నిరంతరాయంగా కొనసాగాలని ఆకాక్షించారు.
