AP Assembly : పేర్ని నాని-బుచ్చయ్య చౌదరి మధ్య ఆసక్తికరంగా సాగిన చిట్ చాట్..

అమరావతి : అసెంబ్లీలో టీడీపీ వర్సెస్ వైసీపీ గట్టిగానే వార్ జరుగుతుంటే.. అసెంబ్లీ లాబీల్లో పరిస్థితి మాత్రం మరోలా ఉంది. అసెంబ్లీ లాబీలో పేర్ని నాని-బుచ్చయ్య చౌదరి మధ్య చిట్ చాట్ జరిగింది. ముందస్తుపై ఇద్దరి మధ్య ఆసక్తికరంగా సంభాషణ కొనసాగింది. ప్రస్తుతం కేంద్రం వ్యవహరిస్తోన్న తీరు చూస్తోంటే ఈ సెషన్సే చివరి సెషన్సులా ఉన్నాయని బుచ్చయ్య చౌదరి అన్నారు. డిసెంబర్ నెలలో ఎన్నికలు వస్తాయేమోనని జోస్యం చెప్పారు. దీనిపై పేర్ని నాని మాట్లాడుతూ.. అయోధ్య రామ మందిర నిర్మాణం పూర్తయ్యాకే ఎన్నికలు ఉంటాయోమోనని పేర్ని నాని పేర్కొన్నారు. రాజకీయం కోసమే బుచ్చయ్య చౌదరి పని చేస్తున్నారని పేర్ని నాని అన్నారు. రాజకీయం కోసం కాదు.. రాజ్యాంగం కోసం పని చేస్తున్నానని బుచ్చయ్య చౌదరి కౌంటర్ ఇచ్చారు.