AP News: కేసరపల్లిలో పలువురికి అస్వస్థత

కృష్ణా: జిల్లాలోని గన్నవరం మండలం కేసరపల్లిలో పలువురు అస్వస్థతకు గురవడం కలకలం రేపింది. స్థానిక చెంచుల కాలనీలో పలువురు వాంతులు, విరోచనాలతో అస్వస్థతకు గురయ్యారు. విషయం తెలిసిన వెంటనే అప్రమత్తమైన పంచాయతీ, వైద్య ఆరోగ్య సిబ్బంది ప్రత్యేక వైద్య శిబిరాన్ని ఏర్పాటు చేసింది. సుమారు 20 మంది తేలికపాటి డయేరియా లక్షణాలతో బాధపడుతున్నట్లు గుర్తించారు. దీంతో ఆరోగ్య కార్యకర్తలు ఇంటింటి సర్వే చేపట్టి రోగులకు మందులను పంపిణీ చేశారు. కాలనీలో విపరీతమైన మురుగు కారణంగానే స్థానికులు అనారోగ్యానికి గురైనట్లు వైద్యులు గుర్తించారు. స్థానికంగా పారిశుద్ధ్య చర్యలు చేపట్టినట్లు సర్పంచ్ మౌనిక వెల్లడించారు.