Konidela Nagababu: మంత్రి రోజాపై నాగబాబు ఫైర్

అమరావతి: మంత్రి రోజా (AP Minister Roja)పై జనసేన నేత కొణిదెల నాగబాబు (Janasena Leader Konidela Nagababu) తీవ్రస్థాయిలో విరుచుకుపడ్డారు. మెగాస్టార్ చిరంజీవి (Megastar Chiranjeevi), జనసేన అధినేత పవన్ కళ్యాణ్‌ (Janasena Chief Pawan Kalyan)పై ఇష్టానుసారంగా మాట్లాడుతున్నారని మండిపడ్డారు. ట్విట్టర్ వేదికగా స్పందిస్తూ... ‘‘పర్యాటక శాఖ మంత్రి రోజా ది నోరు కాదు మున్సిపాలిటీ చెత్త కుప్ప. టాప్ 20 ర్యాంకింగ్స్‌లో దేశంలో ఏపీ పర్యటక శాఖ 18వ స్థానంలో ఉంది. రోజా బాధ్యత మరిచిపోయి నోటికొచ్చినట్లు మాట్లాడుతుంది. రాష్ట్ర పర్యటక శాఖ వల్ల ఎంతో మంది ప్రత్యక్షంగా పరోక్షంగా బ్రతుకుతున్నారు. నీ చేష్టల వల్ల వాళ్ల బ్రతుకులు మరింత దిగిజారిపోతున్నాయి. పర్యటక శాఖ మంత్రి అంటే నువ్వు పర్యటన చేయడం కాదు. పర్యటక శాఖని ఎలా అభివృద్ధి చేయాలో ఆలోచించాలి. అన్నయ్య చిరంజీవి , జనసేన అధ్యక్షులు పవన్ కళ్యాణ్‌ పై నోటికొచ్చినట్లు ఇప్పటి వరకు మాట్లాడుతూ వచ్చావు. రోజా నోటికి మున్సిపాలిటీ చెత్తకుప్పకి తేడా లేదు అందుకనే నేను మాట్లాడలేదు’’ అంటూ నాగబాబు ట్వీట్ చేశారు.