Lokesh: రేపటి నుంచి పాదయాత్ర..11.03 గంటలకు తొలి అడుగు

కుప్పం: చిత్తూరు జిల్లా కుప్పం ఆర్‌అండ్‌బీ గెస్ట్ హౌస్‌కు ఏపీ మాజీ మంత్రి నారా లోకేష్‌ (Nara Lokesh) చేరుకున్నారు. లోకేష్‌కు టీడీపీ (TDP) శ్రేణులు ఘనస్వాగతం పలికారు. లోకేష్‌కు హారతులు ఇచ్చి మహిళలు స్వాగతం పలికారు. కుప్పం ఆర్ అండ్ బీ గెస్ట్హౌస్లో నారా లోకేష్ బస చేయనున్నారు. రేపటి నుంచి నారా లోకేష్ యువగళం పాదయాత్ర (Yuvagalam Padayatra) ప్రారంభం కానుంది. రేపు ఉదయం 10.15 గంటలకు వరదరాజుల ఆలయంలో లోకేష్ ప్రత్యేక పూజలు చేయనున్నారు. అనంతరం 4 వేల కిలోమీటర్ల యువగళం పాదయాత్రలో భాగంగా 11.03 గంటలకు లోకేష్ తొలి అడుగు వేయనున్నారు. మధ్యాహ్నం 3 గంటలకు యువగళం సభకు లోకేష్ హాజరవుతారు. సభ అనంతరం కుప్పం ప్రభుత్వ ఆసుపత్రి, శెట్టిపల్లె క్రాస్, బెగ్గిలిపల్లె క్రాస్ మీదుగా రాత్రి బస ప్రాంతానికి లోకేష్ చేరుకుంటారు. తొలిరోజు 8.5 కిలోమీటర్ల దూరం నారా లోకేష్ యువగళం పాదయాత్ర సాగనుంది.