Nara Bhuvaneswari: రేపు చంద్రగిరిలో తొలి అడుగు వేస్తున్నా
ABN , First Publish Date - 2023-10-25T09:07:16+05:30 IST
రేపు చంద్రగిరిలో తొలి అడుగు వేస్తున్నానని టీడీపీ అధినేత చంద్రబాబు సతీమణి భువనేశ్వరి ట్విటర్ వేదికగా వెల్లడించారు. చంద్రబాబు లేకుండా తొలిసారిగా తిరుమలకు వెళ్లానని.. ఈ ప్రయాణం భారంగా ఉందంటూ భావోద్వేగ ట్వీట్ చేశారు.
అమరావతి : రేపు చంద్రగిరిలో తొలి అడుగు వేస్తున్నానని టీడీపీ అధినేత చంద్రబాబు సతీమణి భువనేశ్వరి ట్విటర్ వేదికగా వెల్లడించారు. చంద్రబాబు లేకుండా తొలిసారిగా తిరుమలకు వెళ్లానని.. ఈ ప్రయాణం భారంగా ఉందంటూ భావోద్వేగ ట్వీట్ చేశారు. దేవుడి దయతో నిజం గెలుస్తుంది అని నమ్ముతున్నానన్నారు. ఎప్పుడూ కుటుంబ సభ్యులతో ఊరు వచ్చే తాను చంద్రబాబు జైల్లో ఉన్న కారణంగా ఈరోజు ఒంటరిగా నారావారిపల్లె వెళ్లానని భువనేశ్వరి తెలిపారు. ఈ ప్రయాణం తనకు ఎంతో బాధ కలిగించిందన్నారు. ప్రతి నిమిషం భారంగా గడిచిందన్నారు. ఆ ఏడుకొండల వాడి దయతో, మా ఊరు నాగాలమ్మ తల్లి కృపతో, ప్రజల మద్దతుతో నిజం గెలుస్తుందని నమ్ముతున్నానన్నారు. దీనిలో భాగంగానే చంద్రగిరిలో రేపు తొలి అడుగు వేస్తున్నానని నారా భువనేశ్వరి వెల్లడించారు.
