Nara Lokesh : తెలుగుదేశం మీసం తిప్పుతోంది
ABN , First Publish Date - 2023-09-22T13:48:15+05:30 IST
తెలుగుదేశం..మీసం తిప్పుతోందని టీడీపీ జాతీయ ప్రధాన కార్యదర్శి నారా లోకేశ్ అన్నారు. చంద్రబాబు అక్రమ అరెస్టుపై పార్లమెంటులో గళమెత్తిన టీడీపీ ఎంపీలకు అభినందనలు తెలిపారు. ఢిల్లీలో పార్టీ ఎంపీలతో సమావేశమయ్యారు. చంద్రబాబుని త‌ప్పుడు కేసులో అక్రమ అరెస్టు చేయించిన సైకో జ‌గ‌న్ తీరుపై దేశ‌మంతా చ‌ర్చకు వ‌చ్చేలా చేసిన టీడీపీ ఎంపీల‌ను నారా లోకేశ్ అభినందించారు.
ఢిల్లీ : తెలుగుదేశం..మీసం తిప్పుతోందని టీడీపీ జాతీయ ప్రధాన కార్యదర్శి నారా లోకేశ్ అన్నారు. చంద్రబాబు అక్రమ అరెస్టుపై పార్లమెంటులో గళమెత్తిన టీడీపీ ఎంపీలకు అభినందనలు తెలిపారు. ఢిల్లీలో పార్టీ ఎంపీలతో సమావేశమయ్యారు. చంద్రబాబుని త‌ప్పుడు కేసులో అక్రమ అరెస్టు చేయించిన సైకో జ‌గ‌న్ తీరుపై దేశ‌మంతా చ‌ర్చకు వ‌చ్చేలా చేసిన టీడీపీ ఎంపీల‌ను నారా లోకేశ్ అభినందించారు. చంద్రబాబు అక్రమ అరెస్టుని పార్లమెంటులో చ‌ర్చకు తెచ్చి, దేశం దృష్టికి తీసుకెళ్లేందుకు ఎంపీలు గ‌ట్టి పోరాటం చేశారని నారా లోకేశ్ అన్నారు. వైసీపీ ఎంపీల హేళ‌న‌లు, మాట‌ల దాడుల‌ని త‌ట్టుకుని స‌మ‌ర్థవంతంగా తెలుగుదేశం వాణిని పార్లమెంటులో వినిపించారన్నారు. భవిష్యత్ కార్యాచ‌ర‌ణ, అనుస‌రించాల్సిన వ్యూహంపై నారా లోకేశ్ చర్చించారు. స‌మావేశంలో ఎంపీలు కేశినేని నాని, గ‌ల్లా జ‌య‌దేవ్, కింజ‌రాపు రామ్మోహ‌న్ నాయుడు, క‌న‌క‌మేడ‌ల ర‌వీంద్ర కుమార్ పాల్గొన్నారు.
