Yuvagalam Padayatra : అల్లూరులో 1200 కి. మీ. మైలురాయి శిలాఫలకాన్ని ఆవిష్కరించనున్న నారా లోకేష్

కర్నూలు : టీడీపీ జాతీయ ప్రధాన కార్యదర్శి, యువనేత నారా లోకేష్ నిర్వహిస్తున్న యువగళం పాదయాత్ర 95వ రోజుకు చేరుకుంది. నేడు నందికొట్కూరు నియోజకవర్గంలో నారా లోకేష్ పర్యటించనున్నారు. బ్రాహ్మణకొట్కూరు, వడ్డెమాను, అల్లూరు, నందికొట్కూరులో యువగళం పాదయాత్ర నిర్వహించనున్నారు. కాగా.. నేడు లోకేష్ పాదయాత్ర 1200 కిలో మీటర్లకు చేరుకోనుంది. ఈ నేపథ్యంలో అల్లూరులో 1200 కిలో మీటర్ల మైలురాయి శిలాఫలకాన్ని లోకేష్ ఆవిష్కరించనున్నారు. సాయంత్రం నందికొట్కూరులో భారీ బహిరంగ సభ నిర్వహించనున్నారు. నందికొట్కూరు శివారు విడిది కేంద్రంలో రాత్రికి నారా లోకేష్ బస చేయనున్నారు.