Nellore Dist.: కావలిలో దారుణం

నెల్లూరు జిల్లా: కావలిలో దారుణం జరిగింది. వైసీపీ నేతల (YCP Leaders) గ్రావెల్ మాఫియా (Gravel Mafia) దందాతో జలదంకి నరశింహారావు(35) మృతి చెందాడు. రుద్రకోట నుంచి చెన్నాయపాళెంకు గ్రావెల్ తరలిస్తున్నారు. టిప్పర్ లిఫ్ట్ (Tipper Lift) ఎత్తిన సమయంలో విద్యుత్తు తీగలు తగిలి నరశింహారావుకు షాక్ (Shock) కొట్టాయి. దీంతో ఆయన పడిపోయాడు. అక్కడున్నవారు కారులో కావలిలోని ఓ ప్రయివేటు ఆసుపత్రికి తరలించారు. మెరుగైన చికిత్స కోసం ఎమ్మెల్యే రామిరెడ్డి ముఖ్య అనుచరుడు, ఏఎంసీ ఛైర్మన్ ప్రసాద్.. అక్కడ నుంచి చెన్నైకి తరలించేందుకు ప్రయత్నించారు. అప్పటికే నరసింహారావు మృతి చెందడంతో ప్రభుత్వ ఆసుపత్రికి తరలించారు. అయితే ఎమ్మెల్యే అనుచరులు నరసింహారావు కుటుంబసభ్యులు, బంధువులను బెదిరించి మీడియాతో మాట్లాడకుండా కట్టడి చేశారు. కేసు మాఫీ చేయడానికి పోలీసులపై వత్తిడి తీసుకువస్తూ.. తీవ్రస్థాయిలో ప్రయత్నాలు చేస్తున్నారు. పూర్తి సమాచారం అందవలసి ఉంది.