ఆదిరెడ్డి భవానిని పరామర్శించి దైర్యం చెప్పిన ఎమ్మెల్సీ అనురాధ

రాజమండ్రి : టీడీపీ ఎమ్మెల్యే ఆదిరెడ్డి భవాని (Adireddy Bhavani)ని ఎమ్మెల్సీ పంచుమర్తి అనురాధ (Panchumarthi Anuradha) పరామర్శించి దైర్యం చెప్పారు . ఈ సందర్భంగా అనురాధ మాట్లాడుతూ.. ఎమ్మెల్సీ ఎన్నికల్లో టీడీపీ (TDP)కి ఓటు వేశారనే కక్షతో ఎమ్మెల్యే ఆదిరెడ్డి భవానీ కుటుంబ సభ్యులను జైలులో పెట్టడం దుర్మార్గమన్నారు. బీసీలు టీడీపీకి అండగా ఉంటున్నారనే కక్షతోనే బీసీ నేతలను జైలులో పెడుతున్నారన్నారు. జగన్ బెదిరింపు చర్యలకు టీడీపీ నేతలు భయపడే పరిస్థితి లేదన్నారు. ఆదిరెడ్డి భవానీ కుటుంబానికి అండగా ఉంటామన్నారు. వైసీపీ నేతలు నిర్వహిస్తున్న చిట్ కంపెనీలపై సీఐడీ అధికారులు కేసులు ఎందుకు పెట్టడం లేదని పంచుమర్తి అనురాధ ప్రశ్నించారు. కాకినాడ వైసీపీ ఎమ్మెల్యే ద్వారంపూడి చంద్రశేఖర్ రెడ్డి భూకబ్జాలపై ఏపీ సీఎం జగన్ ఎందుకు మాట్లాడటం లేదని ప్రశ్నించారు.