Road Accident: లారీ - బైక్‌ ఢీ.. ముగ్గురు మృతి
ABN , First Publish Date - 2023-08-19T10:31:23+05:30 IST
జిల్లాలో జరిగిన ఘోర రోడ్డు ప్రమాదంలో ముగ్గురు మృత్యువాత పడ్డారు.
ప్రకాశం: జిల్లాలో జరిగిన ఘోర రోడ్డు ప్రమాదంలో ముగ్గురు మృత్యువాత పడ్డారు. శనివారం ఉదయం తర్లుపాడు మండలం కలుజువ్వలపాడు వద్ద లారీ - బైక్‌ ఢీకొనడంతో ప్రమాదం చోటు చేసుకుంది. ఈ ప్రమాదంలో ముగ్గురు అక్కడికక్కడే మృతి చెందారు. కొనకనమిట్ల మండలం అంబాపురం గ్రామానికి చెందిన వినోద్, నాని, వీరేంద్ర బైక్‌పై వెళుతుండగా లారీ ఢీకొనడంతో ఘటనాస్థలిలోనే ప్రాణాలు కోల్పోయారు. సమాచారం అందిన వెంటనే పోలీసులు అక్కడకు చేరుకుని మృతదేహాలను స్వాధీనం చేసుకుని ప్రభుత్వాస్పత్రికి తరలించారు. ప్రమాదంపై పోలీసులు కేసు నమోదు చేసి దర్యాప్తు చేపట్టారు. కాగా.. మృతుల కుటుంబాలకు న్యాయం చెయ్యాలంటూ రోడ్డుపై బంధువులు బైఠాయించి ఆందోళనకు దిగారు. వీరి ఆందోళనతో ఆ ప్రాంతంలో భారీగా ట్రాఫిక్ స్తంభించింది.
