Road Accident.. ప్రకాశం జిల్లాలో రోడ్డు ప్రమాదం: ముగ్గురి మృతి
ABN , First Publish Date - 2023-09-17T08:54:11+05:30 IST
ప్రకాశం జిల్లా: నాగులుప్పలపాడు మండలం, మద్దిరాలపాడు వద్ద 216 జాతీయ రహదారిపై ఆదివారం తెల్లావారుజామున రోడ్డు ప్రమాదం జరిగింది. ఈ ఘటనలో ముగ్గురు అక్కడికక్కడే మృతి చెందారు.
ప్రకాశం జిల్లా: నాగులుప్పలపాడు మండలం, మద్దిరాలపాడు వద్ద 216 జాతీయ రహదారిపై ఆదివారం తెల్లావారుజామున రోడ్డు ప్రమాదం జరిగింది. ఈ ఘటనలో ముగ్గురు అక్కడికక్కడే మృతి చెందారు. రోడ్డు పక్కన ఆగి ఉన్న కంటైనర్ లారీని వేగంగా వస్తున్న బైక్ అదుపు తప్పి ఢీ కొంది. ఈ ప్రమాదంలో బైక్ పై ప్రయాణిస్తున్న ముగ్గురు యువకులు మరణించారు. మృతులు ప్రకాశం జిల్లా, కొరిశపాడు మండలం, పమిడిపాడుకు చెందిన వారుగా గుర్తించారు. వినాయక విగ్రహం కోసం ఒంగోలు వచ్చి వెళ్తుండగా ఈ ప్రమాదం జరిగింది. సమాచారం అందుకున్న పోలీసులు సంఘటన ప్రదేశానికి చేరుకుని.. పోస్టుమార్టం నిమిత్తం మృతదేహాలను ప్రభుత్వ ఆస్పత్రికి తరలించి, కేసు నమోదు చేసి దర్యాప్తు చేపట్టారు.
