CID: సీఐడీ తీరుపై బెజవాడ న్యాయవాదుల నిరసన

విజయవాడ: రాష్ట్ర బార్‌ కౌన్సిల్‌ మెంబర్‌ సుంకర రాజేంద్రప్రసాద్‌ (Sunkara Rajendra Prasad), సీనియర్‌ న్యాయవాది గొట్టిపాటి రామకృష్ణ ప్రసాద్‌, హైకోర్టు న్యాయవాది జడ శ్రావణ్‌కుమార్‌ (Jada Shravankumar)లకు సీఐడీ పోలీసులు నోటీసులు ఇవ్వడాన్ని నిరసిస్తూ సోమవారం బెజవాడ బార్‌ అసోసియేషన్‌ (Bejawada Bar Association) సభ్యులు విధులు బహిష్కరించి నిరసన ప్రదర్శన నిర్వహించారు. బార్‌ కౌన్సిల్‌ సభ్యుడు చలసాని అజయ్‌కుమార్‌, సుంకర రాజేంద్రప్రసాద్‌, బార్‌ అసోసియేషన్‌ అధ్యక్షుడు కేబీ సుందర్‌ మాట్లాడుతూ సీఐడీ పోలీసులు రాజ్యాంగం పట్ల, చట్టాల పట్ల అవగాహన లేకుండా ప్రవర్తిస్తున్నారని మండిపడ్డారు. ప్రభుత్వానికి తొత్తులుగా వ్యవహరిస్తున్నారని దుయ్యబట్టారు. సీఐడీ పోలీసులు తమ నోటీసులను ఉపసంహరించుకునే వరకు తమ పోరాటం ఆగదని హెచ్చరించారు.