MLA Vamsi: లోకేష్ పాదయాత్ర నేపథ్యంలో ఎమ్మెల్యే వంశీ ఆఫీస్ వద్ద 50 మంది పోలీసులతో బందోబస్తు

కృష్ణా: టీడీపీ యువనేత నారా లోకేష్ యువగళం పాదయాత్ర నేపథ్యంలో (Lokesh padayatra) గన్నవరం ఎమ్మెల్యే వంశీ కార్యాలయం వద్ద పోలీసు బందోబస్తు కట్టుదిట్టం చేశారు. ఇద్దరు సీఐలు, ముగ్గురు ఎస్సైలు నేతృత్వంలో పోలీస్ పహార ఏర్పాటు చేశారు.

సుమారు 50 మంది పోలీసులతో ఎమ్మెల్యే వంశీ కార్యాలయం వద్ద భద్రత పెంచారు. ప్రజా సమస్యలతో పేరుతో ఎమ్మెల్యే వంశీ కార్యాలయంలోనే ఉన్నారు. ఎమ్మెల్యే వంశీ కార్యాలయం సమీపంలో టీడీపీ యువనేత నారా లోకేష్ యువగళం పాదయాత్ర కొనసాగనుంది. ఈ నేపథ్యంలో ఇరువర్గాల కార్యకర్తల మధ్య ఎలాంటి అవాంఛనీయ ఘటనలు జరగకుండా పోలీసులు ముందస్తు చర్యలు తీసుకున్నట్లు తెలుస్తోంది.