Devathoti Nagaraju: 2000 కి.మీ లోకేశ్ ‘యుగళం పాదయాత్ర’పై దేవతోటి స్పందన

అమరావతి: టీడీపీ యువనేత నారా లోకేష్ యువగళం పాదయాత్ర (Lokesh YuvaGalam Padayatra) 2000 కిలోమీటర్లు పూర్తి చేసుకున్న సందర్భంగా టీడీపీ రాష్ట్ర కార్యదర్శి దేవతోటి నాగరాజు (TDP Leader Devathoti Nagaraju) స్పందించారు. మంగళవారం మీడియాతో మాట్లాడుతూ.. లోకేశ్ పాదయాత్రను ప్రారంభించే ముందు వైసీపీ నాయకులు "లోకేష్ నడవగలడా..?!"అంటూ హేళనతో ఎగతాళి చేశారని అన్నారు. లోకేశ్‌ యువగళం పాదయాత్ర దిగ్విజయంగా 2000 కిలోమీటర్లు పూర్తి చేసుకొని అప్రతిహతంగా ముందుకు సాగిపోతోందన్నారు. ప్రజా సమస్యలను వెలికితీస్తూ.. కులాలు మతాల మధ్య అనుసంధానాన్ని పెంచుతూ రాష్ట్ర భవిష్యత్తుపై ప్రజలకు భరోసాను ఇస్తూ ముందుకు సాగుతున్న యువగళం పాదయాత్ర చరిత్ర పుటల్లో నిలిచిపోతుందని దేవతోటి నాగరాజు పేర్కొన్నారు.