Tangirala Sowmya: టీడీపీ నేత తంగిరాల సౌమ్య ఇంటి వద్ద తీవ్ర ఉద్రిక్తత

ఎన్టీఆర్ జిల్లా: మాజీ ఎమ్మెల్యే తంగిరాల సౌమ్య (Former MLA Tangirala Sowmya) ఇంటి వద్ద తీవ్ర ఉద్రిక్తత చోటు చేసుకుంది. టీడీపీ అధినేత చంద్రబాబు నాయుడు (TDP Chief Chandrababu Naidu) అరెస్ట్, రిమాండ్ నేపథ్యంలో బంద్‌కు టీడీపీ పిలుపునిచ్చింది. ఈ క్రమంలో నిరసన చేయడానికి వెళుతున్న మాజీ శాసనసభ్యురాలు తంగిరాల సౌమ్యను పోలీసులు అడ్డుకున్నారు. దీంతో గోడదూకి బయటకు వెళ్ళేందుకు సౌమ్య యత్నించగా పోలీసులు అడ్డుకున్నారు. తక్షణమే తన ఇంటి నుంచి పోలీసులను బయటకు వెళ్లాలని అన్నారు. ఈ క్రమంలో పోలీసులకు, టీడీపీ శ్రేణుల మధ్య తోపులాట చోటు చేసుకుంది. తంగిరాల సౌమ్య ఇంటి వద్ద ఏర్పాటు చేసిన బారికేడ్లను తోసుకొచ్చి మరీ టీడీపీ కార్యకర్తలు, నేతలు ఇంట్లోకి వచ్చారు. తంగిరాల సౌమ్యకి అడ్డుగా టీడీపీ కార్యకర్తలు, నాయకులు నిలబడగా.. వాళ్ల చుట్టూ రక్షణ వలయంగా పోలీసులు నిలబడ్డారు. ఇంటి గోడలు దూకి మరీ పోలీసులు లోపలికి వచ్చారు.