CPM Protest: విజయనగరంలో గ్యాస్ ధరల పెంపుపై సీపీఎం వినూత్న నిరసన

విజయనగరం: గ్యాస్ ధరలను పెంచుతూ మోదీ ప్రభుత్వం (Modi Government) తీసుకున్న నిర్ణయంపై సీపీఎం (CPM) తీవ్రస్థాయిలో మండిపడింది. గ్యాస్ ధరల పెంపునకు నిరసన జిల్లాలో సీపీఎం నేతలు (CPM Leaders) వినూత్న రీతిలో నిరసన చేపట్టారు. పలు కాలనీల్లో మహిళలు గ్యాస్ బండలను గర్టీలతో(spoons) గట్టిగా కొడుతూ గంటపాటు నగరంలో హోరెత్తించారు. దేశ ప్రజలపై భారాలు మోపుతూ వంట గ్యాస్ సిలిండర్‌పై రూ.50, కమర్షియల్ సిలిండర్‌పై రూ.350 పెంచుతూ తీసుకున్న నిర్ణయాన్ని వెంటనే ఉపసంహరించుకోవాలని డిమాండ్ చేశారు. ఈ సందర్భంగా సీపీఎం నగర కార్యదర్శి, జిల్లా కార్యదర్శి వర్గ సభ్యులు రెడ్డి శంకరరావు (CPM Leader Reddy Shankar Rao) మాట్లాడుతూ.. మోదీ బీజేపీ ప్రభుత్వం ప్రజలు, మధ్య తరగతి ఉద్యోగులపై భారాలు వేసి పెట్టుబడిదారులు, ఆదాని, అంబానీలకు లక్షల కోట్లు రాయితీలు ఇస్తున్నారని ఆరోపించారు. మరోసారి మోదీ (PM Modi) దోపిడీదారుల పక్షమని నిరూపించుకున్నారని మండిపడ్డారు. తక్షణమే పెంచిన గ్యాస్ ధరలు తగ్గించాలని, లేదంటే దేశప్రజలు బీజేపీ ప్రభుత్వాని (BJP Government)కి తగిన బుద్ధి చెపుతారని హెచ్చిరించారు. ఈ కార్యక్రమంలో రమణమ్మ, శాంతమూర్తి, తదితరులు పాల్గొన్నారు.