Civils Free Coaching: సివిల్స్‌ మెయిన్స్‌కు ప్రిపేర్ అవుతున్నారా? ఫ్రీగా కోచింగ్ అందిస్తున్న..!

హైదరాబాద్‌-బంజారాహిల్స్‌లోని తెలంగాణ రాష్ట్ర షెడ్యూల్డ్‌ కులాల స్టడీ సర్కిల్‌-యూపీఎస్సీ సివిల్‌ సర్వీసెస్‌ మెయిన్స్‌ కోచింగ్‌ను ఉచితంగా అందిస్తోంది. ఎస్సీ, ఎస్టీ, బీసీ(మైనారిటీలు సహా) అభ్యర్థులు ఈ అవకాశాన్ని వినియోగించుకోవచ్చు. ఎస్సీ అభ్యర్థులకు 27, ఎస్టీ అభ్యర్థులకు 2, బీసీ అభ్యర్థులకు 2 సీట్లు ఉన్నాయి. ఫస్ట్‌ కం ఫస్ట్‌ సర్వ్‌ పద్ధతిలో అడ్మిషన్స్‌ ఇస్తారు. నిర్ణీత కేటగిరీలో సీట్లు మిగిలిన పక్షంలో వాటిని మిగిలిన కేటగిరీల అభ్యర్థులకు కేటాయిస్తారు.

అర్హత: అభ్యర్థులు యూపీఎస్సీ సీశాట్‌ 2023 అర్హత పొంది ఉండాలి. కుటుంబ వార్షికాదాయం రూ.3 లక్షలు మించకూడదు.

దరఖాస్తు సబ్మిషన్‌కు చివర తేదీ: జూన్‌ 30

దరఖాస్తుకు జతచేయాల్సిన పత్రాలు: యూపీఎస్సీ సీశాట్‌ 2023 హాల్‌ టికెట్‌; కులం, ఆదాయం ధ్రువీకరణ పత్రాలు; డిగ్రీ సర్టిఫికెట్‌, మార్కుల పత్రాలు; ఆధార్‌ కార్డ్‌; అభ్యర్థి ఫొటోలు రెండు.

చిరునామా: డైరెక్టర్‌, టీఎస్‌ ఎస్సీ స్టడీ సర్కిల్‌, బంజారాహిల్స్‌, హైదరాబాద్‌

వెబ్‌సైట్‌: www.tsstudycircle.co.in