కర్నూలు ఐఐఐటీడీఎంలో పీహెచ్‌డీ

ఏపీలోని ఇండియన్‌ ఇన్‌స్టిట్యూట్‌ ఆఫ్‌ ఇన్ఫర్మేషన్‌ టెక్నాలజీ, డిజైన్‌ అండ్‌ మాన్యుఫాక్చరింగ్‌ (ఐఐఐటీడీఎం), కర్నూలు...విశ్వేశరాయ ఫెలోషిప్‌ స్కీమ్‌ కింద పీహెచ్‌డీలో ప్రవేశానికి దరఖాస్తులు కోరుతోంది.

కోర్సు: డాక్టర్‌ ఆఫ్‌ ఫిలాసఫీ(పీహెచ్‌డీ). ఫుల్‌టైం ప్రోగ్రామ్‌.

ఇంజనీరింగ్‌ విభాగాలు: కంప్యూటర్‌ సైన్స్‌ అండ్‌ ఇంజనీరింగ్‌, ఎలకా్ట్రనిక్స్‌ అండ్‌ కమ్యూనికేషన్‌ ఇంజనీరింగ్‌, మెకానికల్‌ ఇంజనీరింగ్‌

సైన్స్‌ విభాగాలు: ఫిజిక్స్‌, మేథమెటిక్స్‌

అర్హతలు

కంప్యూటర్‌ సైన్స్‌ అండ్‌ ఇంజనీరింగ్‌: కంప్యూటర్‌ సైన్స్‌ అండ్‌ ఇంజనీరింగ్‌/ఏఐ/ఐటీలో మాస్టర్స్‌ డిగ్రీతో పాటు గేట్‌ వ్యాలిడ్‌ స్కోరు ఉండాలి.

ఎలకా్ట్రనిక్స్‌ అండ్‌ కమ్యూనికేషన్‌ ఇంజనీరింగ్‌: ఎలకా్ట్రనిక్స్‌ అండ్‌ కమ్యూనికేషన్‌ ఇంజనీరింగ్‌తో మాస్టర్స్‌ డిగ్రీతో పాటు గేట్‌ వ్యాలిడ్‌ స్కోరు ఉండాలి.

మెకానికల్‌ ఇంజనీరింగ్‌: మెకానికల్‌ ఇంజనీరింగ్‌లో మాస్టర్స్‌ డిగ్రీతో పాటు గేట్‌ వ్యాలిడ్‌ స్కోరు ఉండాలి.

ఇంజనీరింగ్‌/టెక్నాలజీలో బ్యాచిలర్స్‌ డిగ్రీ కలిగిన అభ్యర్థులు మంచి అకడమిక్‌ స్కోరు ఉన్నట్లయితే వారిని ఇంజనీరింగ్‌ డిపార్ట్‌మెంట్స్‌లో పీహెచ్‌డీకి పరిశీలిస్తారు. అయితే ఈ అభ్యర్థులు ఐఐటీ నుంచి కనీసం 8 సీజీపీఏతో బీటెక్‌ ఉత్తీర్ణత తోపాటు గేట్‌ వ్యాలిడ్‌ స్కోరు ఉండాలి. అదేవిధంగా ఏదైనా యూనివర్సిటీ నుంచి బ్యాచిలర్స్‌ ఇంజనీరింగ్‌/టెక్నాలజీలో టాప్‌ టెన్‌ ర్యాంకుల్లో ఉన్నవారు, ప్రఖ్యాత ఆర్‌అండ్‌డీ ఆర్గనైజేషన్‌ నుంచి కనీసం 60 శాతం మార్కులతో బ్యాచిలర్స్‌ ఇంజనీరింగ్‌/టెక్నాలజీలో ఉత్తీర్ణులైన వారు కూడా దరఖాస్తుకు అర్హులే.

సైన్సెస్‌: ఫిజిక్స్‌లో ప్రవేశం పొందగోరే అభ్యర్థులు కనీసం 60 శాతం మార్కులతో ఫిజిక్స్‌/అప్లయిడ్‌ ఫిజిక్స్‌/మెటీరియల్‌ సైన్స్‌లో మాస్టర్స్‌ డిగ్రీ ఉత్తీర్ణులై ఉండాలి. గేట్‌/సీఎ్‌సఐఆర్‌-నెట్‌ పరీక్షలో అర్హత సాధించి ఉండాలి. మేథమెటిక్స్‌లో ప్రవేశం పొందగోరే అభ్యర్థులు కనీసం 60 శాతం మార్కులతో ఎమ్మెస్సీ ఇన్‌ మేథమెటిక్స్‌/అప్లయిడ్‌ మేథమెటిక్స్‌ ఉత్తీర్ణులై ఉండాలి. గేట్‌/సీఎ్‌సఐఆర్‌-నెట్‌/ఎన్‌బీహెచ్‌ఎం పరీక్షలో అర్హత సాధించి ఉండాలి.

ఫైనాన్షియల్‌ అసిస్టెన్స్‌: ఎంపికైన అభ్యర్థులకు విశ్వేశరాయ ఫెలోషిప్‌ కింద ఫైనాన్షియల్‌ అసిస్టెన్స్‌ లభిస్తుంది. ఇందులో భాగంగా మొదటి రెండేళ్లు నెలకు రూ.38,750 చొప్పున, మూడో, నాలుగో సంవత్సరం నెలకు రూ.43,750 చొప్పున అందజేస్తారు.

ఎంపిక విధానం: వచ్చిన దరఖాస్తులను పరిశీలించిన తరవాత షార్ట్‌ లిస్ట్‌ చేస్తారు. షార్ట్‌లిస్ట్‌ చేసిన అభ్యర్థులకు రిటెన్‌ టెస్ట్‌/ఇంటర్వ్యూ నిర్వహించి తుది ఎంపిక చేపడతారు.

దరఖాస్తు ఫీజు: జనరల్‌/ఓబీసీ అభ్యర్థులు రూ.500 చెల్లించాలి. ఎస్సీ/ఎస్టీ/పీడబ్ల్యూడీ అభ్యర్థులు రూ.250 చెల్లించాలి.

ముఖ్య సమాచారం

ఆన్‌లైన్‌ దరఖాస్తుకు చివరి తేదీ: అక్టోబరు 8

షార్ట్‌లిస్ట్‌ అభ్యర్థుల జాబితా ప్రకటన: అక్టోబరు 16

రిటెన్‌ టెస్ట్‌/ఇంటర్వ్యూ తాత్కాలిక తేదీలు: అక్టోబరు 27 నుంచి 31 వరకు

ఫలితాల ప్రకటన: నవంబరు 3

సీటు కన్ఫర్మేషన్‌ ఫీజు చెల్లింపు: నవంబరు 10

ఇన్‌స్టిట్యూట్‌లో రిపోర్టింగ్‌ తేదీ: నవంబరు 13

వెబ్‌సైట్‌: https://iiitk.ac.in/