Papaya Seeds: ఈ గింజల్లో ఎన్ని ఆరోగ్య ప్రయోజనాలో..

బొప్పాయి పండు (Papaya seeds) ఆరోగ్యానికి చాలా మంచిదనే విషయం అందరికీ తెలుసు. బొప్పాయి గింజల వల్ల కలిగే ప్రయోజనాలు కొద్ది మందికి మాత్రమే తెలుసు. అవేమిటో ఇప్పుడు చూద్దాం..

• బొప్పాయి గింజల్లో జింక్‌ (Zinc), ఫాస్పరస్‌, కాల్షియం (Calcium), మెగ్నిషియం (Magnesium)వంటి లవణాలతో పాటుగా మోనోశాట్యురేటెడ్‌ ఫ్యాటీ యాసిడ్స్‌ ఉంటాయి. అందువల్ల బొప్పాయి గింజలను ఎండపెట్టుకొని పొడి చేసుకొని ఆహారంలో కలుపుకొని తినటం వల్ల అనేక ప్రయోజనాలుంటాయి.

• బొప్పాయి గింజల్లో కార్పైన్‌ అనే ఒక పదార్థం ఉంటుంది. ఇది మన పేగుల్లో ఉండే చెడు బ్యాక్టీరియా(Bacteria)ను చంపుతుంది. జీర్ణ వ్యవస్థను మెరుగుపరుస్తుంది. ఈ గింజల్లో ఫైబర్‌ శాతం కూడా ఎక్కువే ఉంటుంది.

• బొప్పాయి గింజలలో ఉండే ఫైబర్‌ యాసిడ్స్‌ శరీరంలో చెడు కొలస్ట్రాల్‌ (Cholesterol) శాతాన్ని తగ్గిస్తాయి.

• ఈ గింజల్లో విటమిన్‌ సి ఉంటుంది. దీని వల్ల కీళ్లనొప్పులు, గౌట్‌ వంటి వ్యాధులు రావు.

• బొప్పాయి గింజల్లో కెరోటిన్‌ అనే పదార్థం ఉంటుంది. ఇది ఈస్ట్రోజిన్‌లాంటి కొన్ని హార్మోన్ల తయారీలో కీలక పాత్ర పోషిస్తుంది. బొప్పాయి గింజల పొడిని క్రమం తప్పకుండా తీసుకొనే మహిళలకు రుతుస్రావం సమయంలో వచ్చే నెప్పి తక్కువగా ఉంటుంది.

• బొప్పాయి గింజల పొడి డెంగ్యూ (Dengue) వంటి అనేక రకాల జ్వరాల (fever)కు విరుగుడుగా పనిచేస్తుంది.

ఇది కూడా చదవండి: తప్పు వరుడిదే.. సారీ చెబుతామన్నా వినని వధువు.. నాకీ పెళ్లి వద్దంటూ తేల్చేసింది.. అసలేం జరిగిందంటే..