Colombo: కొలంబోలో సెక్యూరిటీ గార్డు కాల్పులు...8మందికి గాయాలు

కొలంబో: శ్రీలంక దేశంలో ఓ సెక్యూరిటీ గార్డు కాల్పులు జరిపిన ఘటన సంచలనం రేపింది.(Colombo Shooting) కొలంబో హార్బర్‌లోని(Colombo harbour) గేట్ 06 సమీపంలో సెక్యూరిటీ గార్డు కాల్పులు జరిపారు.ఈ కాల్పుల్లో ముగ్గురు మహిళలు సహా 8 మంది గాయపడ్డారని(Injured) శ్రీలంక పోలీసులు చెప్పారు.గాయపడిన 8 మందిని కొలంబో జాతీయ ఆసుపత్రిలో(Colombo National Hospital) చేర్చారు.ఎక్స్‌ప్రెస్‌వే రోడ్డు నిర్మాణ స్థలంలో సెక్యూరిటీ గార్డు కాల్పులు జరిపాడని పోలీసులు తెలిపారు.

రహదారి నిర్మాణ స్థలంలో ఇనుము దొంగిలించడానికి వచ్చిన ఇద్దరు వ్యక్తులను బ్లూమెండల్ స్ట్రీట్ వద్ద ఒక సమూహం అడ్డుకునేందుకు ప్రయత్నించడంతో ఉద్రిక్త పరిస్థితి నెలకొందని పోలీసులు తెలిపారు.సైట్‌లోని ఒక సెక్యూరిటీ గార్డు మరో సెక్యూరిటీ గార్డు నుంచి తుపాకీని లాక్కునేందుకు ప్రయత్నించినప్పుడు గుంపుపై కాల్పులు జరిపాడు.గాయపడిన వారిలో నలుగురికి స్వల్ప గాయాలైనట్లు సమాచారం.ఈ కాల్పుల ఘటనపై ఫోర్‌షోర్ పోలీసులు దర్యాప్తు చేస్తున్నారు.