Donald Trump: లైంగిక వేధింపుల కేసులో డొనాల్డ్ ట్రంప్‌కు జ్యూరీ షాక్

మాన్ హట్టన్ : మళ్లీ 2024 అమెరికా అధ్యక్ష ఎన్నికల బరిలోకి దిగనున్న మాజీ అధ్యక్షుడు డొనాల్డ్ ట్రంప్ కు జ్యూరీ బిగ్ షాక్ ఇచ్చింది. 1990వ సంవత్సరంలో మాన్ హట్టన్ లోని బెర్గ్ డార్ఫ్ గుడ్ మాన్ డిపార్ట్ మెంట్ స్టోర్ డ్రెస్సింగ్ రూమ్ లో ట్రంప్ తనపై అత్యాచారం చేశాడని ప్రముఖ అమెరికా రచయిత్రి ఈ జీన్ కారోల్ చేసిన ఆరోపణల కేసును జ్యూరీ విచారించింది.(Trump abused writer E Jean Carroll) రచయిత్రి ఇ. జీన్ కారోల్‌పై ట్రంప్ లైంగిక వేధింపులకు పాల్పడ్డారని, ఆమెకు 5 మిలియన్ డాలర్లు చెల్లించాలని జ్యూరీ ఆదేశించింది.

ఇది కూడా చదవండి :

జ్యూరీ ఆదేశాలు మళ్లీ వైట్ హౌస్‌ను తిరిగి పొందాలని ప్రచారం చేస్తున్న మాజీ అధ్యక్షుడు ట్రంప్ కు శరాఘాతంలా మారాయి.క్యారోల్‌ను అబద్ధాలకోరుగా పేర్కొంటూ ట్రంప్ పరువు తీశారని కూడా జ్యూరీ పేర్కొంది.కాగా ఈ కేసులో ట్రంప్ మళ్లీ అప్పీలు చేస్తారని అమెరికా మాజీ అధ్యక్షుడు ట్రంప్ న్యాయవాది టకోపినా విలేకరులకు చెప్పారు.‘‘ఈ రోజు ప్రపంచం చివరకు నిజం తెలుసుకుంటోంది. ఈ విజయం నాకే కాదు,బాధపడిన ప్రతి స్త్రీకి’’ అని కారోల్ ఒక ప్రకటనలో వ్యాఖ్యానించారు.