బీజేపీకి షాక్.. కాంగ్రెస్‏లో చేరిన సీనియర్ నేత

బెంగళూరు, (ఆంధ్రజ్యోతి): బెంగళూరు రాజాజినగర్‌కు చెందిన సీనియర్‌ బీజేపీ నేత పద్మరాజ్‌(Senior BJP leader Padmaraj) తన మద్దతుదారులతో సహా బుధవారం కాంగ్రెస్‌లో చేరారు. కేపీసీసీ ప్రధాన కార్యాలయంలో జరిగిన కార్యక్రమంలో పద్మరాజ్‌కు పార్టీ పతాకం అందజేసి స్వయంగా కేపీసీసీ అధ్యక్షుడు డీకే శివకుమార్‌(DK Sivakumar) ప్రతిపక్ష నేత సిద్ద రామయ్య స్వాగతం పలికారు. ఈ సందర్భంగా యువజన కాంగ్రెస్‌ జాతీయ అధ్యక్షుడు బీవీ శ్రీనివాస్‌, ఎమ్మెల్యే బైరతి సురేష్‌, మాజీ మేయర్‌ పద్మావతి తదితరులు హాజరయ్యారు. రాజాజినగర్‌లో బీజేపీ టికెట్‌ ఆశించిన పద్మరాజ్‌ మళ్ళీ అక్కడ సిట్టింగ్‌ ఎమ్మెల్యే సురేష్‌కుమార్‌కే టికెట్‌ ఇవ్వడంతో ఇందుకు నిరశనగా పా ర్టీకి రాజీనామా చేసిన సంగతి విదితమే. పద్మరాజ్‌తో పాటు దాదాపు 450 మంది కాంగ్రెస్‌లో చేరారు. రాజాజినగర్‌ కాంగ్రెస్‌ అభ్యర్థి పుట్టణ్ణ కూడా ఉన్నారు.