Covid: అయ్య బాబోయ్.. మళ్లీ పెరుగుతున్న ‘కరోనా’
ABN , First Publish Date - 2023-04-22T13:53:00+05:30 IST
కరోనా పాజిటివ్ కేసులు మళ్లీ పెరుగుతున్నాయి. దీంతో ప్రజల్లో తీవ్ర భయాందోళన వ్యక్తమవుతోంది. నిన్నమొన్నటి వరకు పదుల సంఖ్యలో ఉన్న పాజిటివ్ కేసులు నేడు వందల సంఖ్యలో నమోదవడం విశేషం.
బెంగళూరు, (ఆంధ్రజ్యోతి): రాష్ట్రంలో కొవిడ్‌ కేసులు(Covid cases) పెరుగుతున్నాయి. శుక్రవారం 537 మందికి పాజిటివ్ నిర్ధారణ కాగా బెంగళూరులో 367, శివమొగ్గలో 30, మైసూరులో 18, బెళగావిలో 14, దావణగెరె, విజయనగర 12 మంది చొప్పున, బళ్లారి, కలబురగిలలో 10మంది చొప్పున వైరస్‌ సోకింది. మిగిలిన జిల్లాల్లో 10లోపు కేసులు నమోదయ్యాయి. 444 మంది కోలుకోగా మృతులు నమోదు కాలేదు. 2070 మంది చికిత్సలు పొందుతుండగా బెంగళూరులోనే 1337 మంది ఉన్నారు.
