Dera Baba: పెరోల్‌పై విడుదలైన డేరా బాబా

రోహ్‌తక్: డేరా సచ్చా సౌదా చీఫ్ గుర్మీత్ రామ్ రహీమ్ సింగ్ (Gurmeet Ram Rahim Singh) అలియాస్ డేరా బాబా 40 రోజుల పెరోల్‌పై విడుదలయ్యారు. శుక్రవారంనాడు ఆయనకు హర్యానా కోర్టు పెరోల్ మంజూరు చేయగా, జైలు నిబంధనలు పూర్తి చేసుకుని శనివారంనాడు రోహ్‌తక్‌ జిల్లా సునరియా జైలు నుంచి ఆయన బయటకు వచ్చారు. ఇద్దరు మహిళా భక్తులపై అత్యాచారం కేసులో ఆయనకు 20 ఏళ్ల జైలు జైలు శిక్ష పడింది. కాగా, పెరోల్‌లో విడుదలైన డేరా బాబా ఈ నెల 25న జరిగే సచ్చా సౌదా మాజీ చీఫ్ షా సత్నం సింగ్ జయంతికి హాజరయ్యే అవకాశాలున్నాయని తెలుస్తోంది.

కాగా, దీనికి ముందు మూడు నెలల క్రితం కూడా ఇదే తరహా పెరోల్‌పై డేరా బాబా విడుదలయ్యారు. ఆ వెంటనే ఆయన ఉత్తరప్రదేశ్‌లోని బర్నావా ఆశ్రమానికి వెళ్లారు. నిబంధనల ప్రకారమే ఆయనకు తాజాగా 40 రోజుల బెయిల్ మంజూరు చేసినట్టు రోహ్‌తక్ డివిజనల్ కమిషనర్ సంజీవ్ వర్మ తెలిపారు.