IAS: 10 మంది ఐఏఎస్‌ అధికారుల బదిలీ
ABN , First Publish Date - 2023-07-02T12:03:44+05:30 IST
ఉన్నత విద్యాశాఖ కార్యదర్శి కార్తికేయన్‌ సహా 10 మంది ఐఏఎస్‌(IAS) అధికారులను బదిలీ చేస్తూ ప్రభుత్వ ప్రధాన కార్యదర్శి
పెరంబూర్‌(చెన్నై): ఉన్నత విద్యాశాఖ కార్యదర్శి కార్తికేయన్‌ సహా 10 మంది ఐఏఎస్‌(IAS) అధికారులను బదిలీ చేస్తూ ప్రభుత్వ ప్రధాన కార్యదర్శి శివదాస్‌మీనా శనివారం ఉత్తర్వులు జారీ చేశారు. ఆ ప్రకారం, ఉన్నత విద్యాశాఖ కార్యదర్శిగా వ్యవహరించిన కార్తికేయన్‌, నగరపాలక, నీటి సరఫరా శాఖ కార్యదర్శిగా బదిలీ చేశారు. పశుసంవర్థక, డెయిరీ, మత్స్యశాఖ కార్యదర్శిగా వ్యవహరించిన కార్తీక్‌ ఉన్నత విద్యాశాఖ కార్యదర్శిగా బదిలీ అయ్యారు అలాగే, గృహిణులకు ప్రతినెలా రూ.1,000 చెల్లించే పథకానికి ఇళమ్‌ భగవత్‌కు అదనపు బాధ్యతలు అప్పగించారు. ఉపాధ్యాయ ఎంపిక బోర్డు అధ్యక్షులు అర్చన పట్నాయక్‌, వైద్య ఉద్యోగుల ఎంపిక బోర్డు అధ్యక్షులుగా అదనపు బాధ్యతలు అప్పగించగా, సహకార శాఖ రిజిస్ర్టార్‌ సుబ్బయ్య కరుణానిధి శతజయంతి వేడుకల ఇన్‌ఛార్జీగా అదనపు బాధ్యతలు అప్పగించారు. అలాగే, పలు శాఖలకు చెందిన ఐదుగురు ఐఏఎస్‌ అధికారులు బదిలీ అయ్యారు.
