Jammu And Kashmir: పుల్వామాలో ఎన్‌కౌంటర్...ఉగ్రవాది హతం

పుల్వామా: జమ్మూకశ్మీరులో మంగళవారం తెల్లవారుజామున జరిగిన ఎన్‌కౌంటర్ లో ఓ ఉగ్రవాది హతం అయ్యారు.(Encounter) పుల్వామా(Pulwama) జిల్లాలోని పడ్గంపొరా అవంతిపొరా వద్ద జమ్మూకశ్మీర్(Jammu And Kashmir) పోలీసులు,సాయుధ బలగాలు కలిసి మంగళవారం తెల్లవారుజామున గాలిస్తుండగా ఉగ్రవాదులు కాల్పులు జరిపారు. దీంతో సాయుధ జవాన్లు ఎదురుకాల్పులు జరిపారు.ఈ కాల్పుల్లో ఓ ఉగ్రవాది హతం(Terrorist Killed) అయ్యాడని జమ్మూకశ్మీర్ పోలీసులు మంగళవారం ఉదయం ట్వీట్ చేశారు. పుల్వామా జిల్లాలోని స్థానిక మార్కెట్ లో కశ్మీర్ పండిట్ సంజయ్ శర్మను ఉగ్రవాదులు ఆదివారం కాల్చి చంపిన ఘటన తర్వాత మంగళవారం ఎన్‌కౌంటర్ జరిగింది. పుల్వామా జిల్లాలో సాయుధ బలగాల గాలింపు కొనసాగుతోంది.