Rajasthan: వేడుకగా భజన్ లాల్ ప్రమాణ స్వీకారోత్సవం.. హాజరైన మోదీ, అమిత్ షా

జైపుర్: రాజస్థాన్ ముఖ్యమంత్రిగా భజన్ లాల్(Bajanlal) ఇవాళ ప్రమాణ స్వీకారం చేశారు. ఈ కార్యక్రమం ప్రధాని మోదీ(PM Modi), కేంద్ర హోం శాఖ మంత్రి అమిత్ షా తదితర బీజేపీ అగ్రనేతల సమక్షంలో ఘనంగా జరిగింది. బీజేపీ(BJP) శాసన సభాపక్ష సమావేశంలో ఉప ముఖ్యమంత్రులు దియా కుమారి, ప్రేమ్ చంద్ బైర్వా కూడా ప్రమాణ స్వీకారం చేశారు.

భజన్‌లాల్‌ ఆరెస్సెస్‌(RSS) మనిషి. ఏబీవీపీ, బీజేవైఎంలో పనిచేశారు. భరత్‌పూర్‌ జిల్లా అటారీకి చెందిన ఈయన రెండుసార్లు సర్పంచ్‌గా పనిచేశారు. నాలుగుసార్లు పార్టీ రాష్ట్ర ప్రధాన కార్యదర్శిగా ఉన్నారు. 1992లో అయోధ్య రామమందిర ఉద్యమంలో పాల్గొని జైలుకు వెళ్లారు. కాగా, ఈ ఎన్నికల్లో సొంత ప్రాంతం వదిలి.. దాదాపు 200 కిలోమీటర్ల దూరంలోని సంగనేర్‌ నుంచి పోటీ చేశారు.

మరిన్ని వార్తల కోసం ఇక్కడ క్లిక్ చేయండి

తాను పొలిటికల్ సైన్స్ లో ఎంఏ చేశానని ఎన్నికల అఫిడవిట్ లో భజన్ లాల్ పేర్కొన్నారు. ప్రస్తుతం ఆయన వ్యాపారాన్ని నడుపుతున్నారు. నవంబర్ 25న జరిగిన అసెంబ్లీ ఎన్నికల్లో బీజేపీ 115 సీట్లు గెలుచుకోగా, కాంగ్రెస్‌ 69 సీట్లు సాధించింది.