Tamilnadu: వేప్పమరుత్తూరులో మహిళల ఆత్మహత్యాయత్నం..

చెన్నై: తమిళనాడు (Tamilnadu)లోని వేప్పమరుత్తూరులో ఆత్మహత్యాయత్నం (Suicide Attempt) కలకలం రేగింది. ఉత్సవాల్లోకి రానివ్వలేదనే కారణంతో ఆరుగురు మహిళలు (Six Womens) ఆత్మహత్యాయత్నం చేశారు. 13 ఏళ్ల తర్వాత జరుగుతున్న మారియమ్మన్ (Mariamman) అమ్మవారి ఉత్సవాల్లో (Festivals) ఈ ఘటన చోటు చేసుకుంది. కులాంతర వివాహం చేసుకున్నారనే కారణంతో కొన్ని కుటుంబాలను నిర్వాహకులు ఉత్సవాలకు రానివ్వలేదు. ఉత్సవాల్లో పాల్గొనలేకపోవడంపై ఆవేదన వ్యక్తం చేసిన కుటుంబాల మహిళలు ఆలయ ఆవరణలోనే పాయసం తయారు చేసి అందులో పురుగుల మందు కలిపారు. అందరూ చూస్తుండగానే ఆ పాయసం తాగేశారు. అస్వస్థతకు గురైన మహిళలను వెంటనే ధర్మపురి ప్రభుత్వ ఆస్పత్రికి తరలించారు. పూర్తి సమాచారం అందవలసి ఉంది.