Tomato: సైకిల్‌పై వచ్చిన వారికి టమోటాల బహుమతి
ABN , First Publish Date - 2023-07-30T10:52:31+05:30 IST
ద్విచక్రవాహనాలతో ఏర్పడే కాలుష్యాన్ని తగ్గించేలా సైకిల్‌(Cycle) వినియోగించాలని కోరుతూ ట్రాఫిక్‌ పోలీసులు అవగాహన కార్యక్రమం చేపట్టారు.
పెరంబూర్‌(చెన్నై): ద్విచక్రవాహనాలతో ఏర్పడే కాలుష్యాన్ని తగ్గించేలా సైకిల్‌(Cycle) వినియోగించాలని కోరుతూ ట్రాఫిక్‌ పోలీసులు అవగాహన కార్యక్రమం చేపట్టారు. తంజావూరు మేరీస్‌ కార్నర్‌లో ఓ ప్రైవేటు ట్రస్ట్‌, ట్రాఫిక్‌ విభాగం సంయుక్తంగా శనివారం ఉదయం చేపట్టిన ఈ కార్యక్రమాన్ని ట్రాఫిక్‌ విభాగం కమిషనర్‌ ఎంజీ రామచంద్రన్‌ ప్రారంభించారు. కార్యక్రమంలో భాగంగా సైకిళ్లపై వచ్చిన 50 మందిని అభినందిస్తూ, ఒక్కొక్కరికి కిలో టమోటాలు(Tomato) బహుమతిగా అందించారు. పర్యావరణ పరిరక్షణలో భాగంగా కాలుష్య నియంత్రణ ప్రతి ఒక్కరి బాధ్యత అని కమిషనర్‌ రామచంద్రన్‌ తెలిపారు.
