Tomato: కేజీ టమోటాలు రూ.20 మాత్రమే...

అడయార్‌(చెన్నై): గత కొన్ని రోజులుగా టమోటా(Tomato)ల ధర భారీగా పెరిగిపోయాయి.. పలు రాష్ట్రాల్లో కేజీ టమోటాలు రూ.200 నుంచి రూ.300 వరకు పలికాయి. కాగా కడలూరు జిల్లాలోని పుదునగర్‌ సాలైక్కరైలో ఉన్న ఒక దుకాణంలో మాత్రం శనివారం ఒక కేజీ టమోటాలను రూ.20కే విక్రయించారు. ఈ విషయం తెలుసుకున్న స్థానికులు ఆ దుకాణానికి క్యూ కట్టారు. అయితే, ఒక వ్యక్తికి ఒక కేజీ చొప్పున మాత్రమే వీటిని విక్రయించారు. దీనిపై ఆ దుకాణం యజమాని మాట్లాడుతూ ఈ యేడాదిలో ఇప్పటివరకు మూడో సారి తక్కువ ధరకు టమోటాలను విక్రయిస్తున్నానని, మరో ఒకటి రెండు వారాల్లో టమోటా ధరలు పూర్తిగా కిందికి దిగివస్తాయని తెలిపారు. ఈ ఒక్క రోజే ఒకటిన్నర టన్నుల టమోటాలను విక్రయించినట్టు చెప్పారు.