Gang war: పార్కింగ్ వివాదంపై కాల్పులు.. ఇద్దరు మృతి
ABN , First Publish Date - 2023-02-19T21:43:53+05:30 IST
పార్కింగ్ వివాదం నేపథ్యంలో రెండు గ్యాంగ్‌(gangwar)ల మధ్య కాల్పులు జరిగాయి. ఇద్దరు మరణించారు.
పాట్నా: బీహార్‌ (Bihar) రాజధాని పాట్నా(Patna)లో కాల్పుల కలకలం రేగింది. పార్కింగ్ వివాదం నేపథ్యంలో రెండు గ్యాంగ్‌(gangwar)ల మధ్య కాల్పులు జరిగాయి. ఇద్దరు మరణించారు. ముగ్గురు గాయపడ్డారు. పాట్నా శివార్లలోని జెతులి గ్రామంలో ఈ కాల్పుల ఘటన జరిగింది. కాల్పుల తర్వాత గ్రామంలో రెండు అల్లరి మూకల మధ్య హింస చెలరేగింది. అల్లరి మూకలు అనేక ఇళ్లకు నిప్పుపెట్టారు. గాయపడిన వారిని స్థానికుల సాయంతో పోలీసులు పాట్నా మెడికల్ కాలేజ్ హాస్పిటల్‌, నలందా ఆసుపత్రికి తరలించారు. కాల్పుల ఘటనకు సంబంధించి ప్రధాన నిందితుడిని అరెస్ట్ చేశారు. ప్రస్తుతం పరిస్థితి అదుపులో ఉందని పాట్నా సీనియర్ ఎస్పీ మానవ్ జీత్ సింగ్ ధిల్లాన్ చెప్పారు.
