Gali Janardan Reddy: గాలి జనార్దన్‏రెడ్డి ఎంతమాట అనేశారేంటి.. ఇంతకీ ఆయన అన్న మాటలు వింటే మీరు..

గంగావతి(బెంగళూరు): వచ్చే శాసనసభ ఎన్నికల్లో కేఆర్‌పీపీ గెలుపుతో కేఆర్‌పీపీ వ్యవస్థాపకులు గాలి జనార్ధన్‌ రెడ్డి ధీమా వ్యక్తం చేశారు. కలబురిగి జిల్లా సేడం తాలుకాలో శుక్రవారం కళ్యాణ కర్ణాటక రాజ్య పార్టీ వ్యవస్థాపకులు గాలి జనార్దన్‌ రెడ్డి(Gali Janardan Reddy) ఆధ్వర్యంలో భారీ బహిరంగ సభ నిర్వహించారు. ఈ సందర్భంగా గాలి జనార్దన్‌రెడ్డి మాట్లాడుతూ బీజేపీ, కాంగ్రెస్‌ ప్రభుత్వ పెద్దలు తన పై నిందలు వేసి లక్ష కోట్ల రూపాయలు వున్నాయని ప్రజలకు చెబుతూ వస్తున్నారు. నా వద్ద లక్ష కోట్ల రూపాయలు వుంటే తానే అధికారంలో వుండే వాడినన్నారు. 12 సంవత్సరాలు నేను జైల్లో వుండాల్సిన అవసరం లేదన్నారు. కళ్యాణ రథయాత్రను ఇక్కడి నుంచే ప్రతి ఒక్క గ్రామంలోను, ప్రతి తాలుకాలోను, ప్రతి జిల్లాలోను ప్రచారం చేస్తానని, జనార్దన్‌రెడ్డి ఒక వ్యక్తి కాదని ఒక బలమన్నారు. బీజేపీ, కాంగ్రెస్‌ ప్రభుత్వాలు చేయలేని పనులను జనార్దన్‌ రెడ్డి చేస్తారని ప్రజలు నమ్ముతున్నారన్నారు. కళ్యాణ కర్ణాటక(kalyana karnataka) విభాగంలో ఎనిమిది జిల్లాల్లో నా పక్షం విలువెంటో, నేనెంటో ఈ ప్రభుత్వాలకు చూపుతానన్నారు. తనపై నిందలు వేసిన వారి నోళ్లు మూయిస్తానన్నారు. ఈ కార్యక్రమంలో కృష్ణగౌడ, సురేష్‌ కుమార్‌, మైలారప్ప, ఎమనూరు గౌడ, ప్రభురాజు, సురేష్‌, కళ్యాణరావు, దుర్గారావు, ప్రేమ్‌రాజ్‌ తదితరులు పాల్గొన్నారు.