ఈ వానలు మండుతున్న వేసవి నుండి కొంత ఉపశమనం కలిగించాయి, అయితే ఇది అనేక అనారోగ్య సమస్యలకు కూడా ఒక సీజన్ కావచ్చు. ఈ సీజన్‌లో మనకు తెలియకుండానే అనేక రోగాలు, అనారోగ్య సమస్యలు వచ్చే అవకాశం ఉంది. దీనికి పరిష్కారం మంచి ఆహారాన్ని తీసుకోవడమే. ఇబ్బంది కలిగించే ఆహార పదార్థాలకు దూరంగా ఉండడమే. దీనికోసం కాస్త శ్రద్ధ అవసరం. బయటి భోజనాన్ని, పదార్థాలను, ఫాస్ట్ ఫ్రైడ్ ఫుడ్స్ నుంచి దూరంగా ఉండడమే. అలాగే స్ట్రీట్ ఫుడ్‌ని కూడా దూరంగా ఉంచాలి. వాటితో పాటు మన ఇండ్లలో తినే ఆహార పదార్ధాలలో కూడా కొన్ని మార్పులు చేయడం చాలా అవసరం. లేదంటే బ్యాక్టీరియా పెరిగే అవకాశం ఎక్కువగా ఉంటుంది.

వర్షాకాలంలో దూరంగా ఉంచాల్సిన పదార్థాలు..

1. ఆకు కూరలు

వర్షాకాలంలో ఉష్ణోగ్రత, తేమ వాతావరణం బ్యాక్టీరియా, శిలీంధ్రాల పెరుగుదలకు అనుకూలంగా ఉంటాయి, ముఖ్యంగా ఆకు కూరలపై ఈ బ్యాక్టీరియా ఎక్కువగా ఉంటుంది. ఈ కాలంలో చిన్న చిన్న పురుగులు నీటి ద్వారా ఈ ఆకుకూరలకు వ్యాపించి ఆకుల చివరల్లో, ముడతల్లో గుడ్లను పెడతాయి. ఈ ఆకు కూరలను తీసుకున్న వారికి రకరకాల అనారోగ్య సమస్యలు వచ్చే అవకాశం ఉంటుంది. కాబట్టి కడుపులో ఇన్ఫెక్షన్లు రాకూడదంటే.. బచ్చలికూర, మెంతి కూర, క్యాబేజీ, క్యాలీఫ్లవర్ మొదలైనవి ఈ వర్షాకాలంలో తీసుకోకపోవడం మంచిది.

2. సీఫుడ్

వర్షాకాలంలో చేపలు, రొయ్యలు వంటి సముద్ర ఆహారాలకు దూరంగా ఉండాలి. వర్షాకాలంలో నీటిలో వ్యాధికారక, బ్యాక్టీరియా చేపలకు సోకవచ్చు, చేపల సంతానోత్పత్తి కాలంలో సీఫుడ్‌లో అనేక మార్పులకు కారణమవుతుంది, ఇది ఆరోగ్యానికి హాని కలిగించవచ్చు.

3. మసాలా, వేయించిన ఆహారాలు

సమోసాలు, పకోడీలు వంటి వేయించిన ఆహారాన్నిజాగ్రత్తగా చూసుకోవాలి, ఇవి కడుపుని అనేక విధాలుగా బాధపెడతాయి. అజీర్ణం, విరేచనాలు, ఇతర సమస్యలను కలిగిస్తుంది. కాబట్టి, వేయించిన ఆహారాన్ని ఎక్కువగా తినకుండా చేసుకోండి.

4. ఫిజ్జీ డ్రింక్స్

తేమ, చెమటలు మిమ్మల్ని డీహైడ్రేట్ చేస్తాయి. కాబట్టి హైడ్రేటెడ్‌గా ఉండటానికి పుష్కలంగా నీరు త్రాగాలి. కానీ ఫిజీ డ్రింక్స్‌ను నివారించాలి. ఎందుకంటే అవి జీర్ణవ్యవస్థను బలహీనపరుస్తాయి. శరీరంలోని ఖనిజాలను తగ్గిస్తాయి.

ఇది కూడా చదవండి: పొట్ట తగ్గడం ఇంత ఈజీనా..? ఎన్ని పనులున్నా సరే.. రోజూ ఈ 4 పనులు చేయండి చాలు..!

5. పుట్టగొడుగు

పుట్టగొడుగులు తడి నేలలో పెరుగుతాయి. బ్యాక్టీరియా పెరుగుదలను కలిగి ఉంటాయి. ముఖ్యంగా వర్షాకాలంలో తీసుకుంటే అనారోగ్య ప్రమాదాన్ని పెంచుతాయి.

6. ముడి ఆహారాలు

పచ్చి ఆహారాన్ని తినడం వల్ల వ్యాధికారక క్రిములు వ్యపించే ప్రమాదం ఉంది., ఇది బ్యాక్టీరియా, వైరల్ ఇన్‌ఫెక్షన్‌లతో ఆరోగ్యాన్ని దెబ్బతీస్తుంది.

7. పెరుగు

వర్షాకాలంలో పెరుగు తినడం వల్ల ఆహారంలోని చల్లని స్వభావం వల్ల శరీరానికి హాని కలుగుతుంది. సైనసైటిస్‌తో బాధపడుతున్నట్లయితే, ఈ పాల ఉత్పత్తికి ఖచ్చితంగా దూరంగా ఉండండి.