ఇప్పటి రోజుల్లో చాలా మంది జుట్టు రాలడం వల్ల ఇబ్బంది పడుతున్నారు. ఎందుకంటే జీవన శైలిలో వస్తున్న మార్పులు, ఒత్తిడి, ఆహారపు అలవాట్లు ఇలా చాలా విషయాల కారణంగా జట్టు రాలుతోంది. దీనికి కొంత విటమిన్స్ లోపం, జన్యుపరమైన ఇబ్బందులు కూడా తోడు కావడంతో జుట్టు రాలడం, తొందరగా తెల్లబడటం అనేది మామూలు అయిపోయింది. జుట్టు రాలడం సమస్య కాదు, ప్రతి ఒక్కరూ ఎదుర్కొనే సహజమైన విషయంగా మారిపోయింది. ఈ సమస్య కారణంగా చాలా మంది మగవారి బట్టతల బారిన కూడా పడుతున్నారు. వాస్తవానికి, జుట్టు రాలడానికి సంబంధించి కొన్ని అపోహలు ఉన్నాయి, వీటిని చాలామంది నిజమని నమ్ముతారు. దీనికి సంబంధించి ఉన్న అపోహలు గురించి తెలుసుకుందాం.

1. అపోహ: షాంపూ చేయడం వల్ల జుట్టు రాలుతుంది. తరచుగా షాంపూ చేయడం వల్ల తలలోని ముఖ్యమైన నూనెలు తొలగిపోయి జుట్టు రాలడానికి దారితీస్తుందని ఒక నమ్మకం. అయితే ఇది కేవలం అపోహ మాత్రమే. నిజానికి, రెగ్యులర్ క్లెన్సింగ్ స్కాల్ప్ ఆరోగ్యంగా ఉండటానికి సహాయపడుతుంది.

ఇది కూడా చదవండి: పాలు తాగితే మంచిదే కానీ.. ఈ 7 లక్షణాలు ఉన్నవాళ్లు మాత్రం పొరపాటున కూడా తాగొద్దు..!

ఈ 4 చిట్కాలు జుట్టు రాలడం, బట్టతల నుండి బయటపడతారు.

1. అపోహ: ప్రత్యక్ష సూర్యకాంతి జుట్టుకు హానికరం. ప్రత్యక్ష సూర్యకాంతి చర్మానికి హానికరం, కానీ దీనికి జుట్టుతో ఎటువంటి సంబంధం లేదు. సూర్యకాంతి ఫోలికల్స్‌పై ఎలాంటి ప్రభావం చూపదు. సూర్యునికి బహిర్గతం కావడం వల్ల జుట్టు ఎప్పుడూ రాలిపోదు.

2. అపోహ: విటమిన్లు తీసుకోడం వల్ల జుట్టు రాలడాన్ని ఆపవచ్చు. విటమిన్లు జుట్టు రాలడాన్ని నివారిస్తాయని చాలా మంది నమ్ముతారు. కాబట్టి ఇది సగం నిజమే కావచ్చు. విటమిన్లు జుట్టు మొత్తాన్ని తిరిగి పెంచుతాయి, అది కూడా జుట్టులో పోషకాల కొరత ఉన్నప్పుడు. విటమిన్-ఇ ఎక్కువగా తీసుకోవడం వల్ల జుట్టు రాలిపోవడం అనేది వేగవంతం అవుతుంది.

3. అపోహ: టోపీ ధరించడం వల్ల జుట్టు రాలిపోతుంది. టోపీ ధరించడం వల్ల జుట్టు రాలుతుందనేది చాలా సాధారణ అపోహలలో ఒకటి. టోపీ పెట్టుకోవడం వల్ల నేరుగా జుట్టు రాలిపోదు. హెయిర్ ఫోలికల్స్ స్కాల్ప్‌లో లోతుగా చొప్పించబడి ఉంటాయి. తలపై ధరించే టోపీ ఒత్తిడి వెంట్రుకల బలాన్ని ప్రభావితం చేయదు.

4. అపోహ: జుట్టు రాలడం ఒత్తిడి వల్ల మాత్రమే. ఒత్తిడి ఖచ్చితంగా జుట్టు రాలడానికి దోహదం చేస్తుంది, ఎందుకంటే ఇది జుట్టు సహజ పెరుగుదల చక్రంపై ప్రభావం చూపుతుంది. అయితే జుట్టు రాలడానికి ఇదొక్కటే కారణం కాదు. జుట్టు రాలడం జన్యుపరమైన కారణాల వల్ల, హార్మోన్ల అసమతుల్యత, పోషకాహార లోపం వల్ల కూడా రావచ్చు.