వేసవి కాలం వచ్చిందంటే ఉష్ణోగ్రతలు రికార్డులను తాకుతున్నాయి. హఢావుడి జీవనశైలిలో వేడి, తేమ మన శరీరాన్ని దెబ్బతీస్తాయి. అలసట, నిర్జలీకరణం, ఇతర వేడి సంబంధిత అనారోగ్యాలను నివారించడానికి వేసవిలో హైడ్రేటెడ్‌గా ఉండటం ముఖ్యం.

శరీరాన్ని హైడ్రేటెడ్‌గా ఉంచడానికి నీటితో ఏదీ పోటీపడనప్పటికీ, చాలామంది గొంతు తడుపుకోవడానికి ప్రత్యామ్నాయాలను వెతుకుతారు. తరచుగా మంచి చేయని చక్కెర, కెఫిన్ పానీయాల కోసం ఆరాటపడతారు కానీ వాటితో శరీరానికి కలిగే చేటును గురించి మాత్రం ఆలోచించరు. సోడాలు, కోలా, ప్రాసెస్ చేసిన రసాలు వంటి పానీయాలు చక్కెరతో నిండి ఉంటాయి, ఇవి శక్తి స్థాయిలను సమతుల్యంగా ఉంచడానికి శరీరంపై మరింత ఒత్తిడిని కలిగిస్తాయి. చక్కెర పానీయాల వల్ల బరువు పెరుగుటం, దంత క్షయం వంటి దీర్ఘకాలిక వ్యాధుల ప్రమాదాన్ని పెంచుతాయి.

ఈ వేసవిలో దూరంగా ఉండవలసిన 7 పానీయాలు ఇక్కడ ఉన్నాయి:

చాయ్: వేసవిలో మసాలా చాయ్, టీ, కాఫీ వంటి వేడి పానీయాలు తాగడం మానుకోవాలి. ఎందుకంటే అవి కడుపుపై అదనపు వేడిని కలిగిస్తాయి, శరీర ఉష్ణోగ్రతను పెంచుతాయి. శరీరం వేడిని భరించలేనంతగా చేస్తాయి.

కోలా, సోడా: చక్కెర, కెఫిన్, కృత్రిమ స్వీటెనర్‌లతో నిండిన కోలాలు, సోడాల వంటి కార్బోనేటేడ్ పానీయాలను తగ్గించాలి. అవి శరీరాన్ని త్వరగా డీహైడ్రేట్ చేస్తాయి. అనేక ఆరోగ్య సమస్యలకు దారితీస్తాయి.

చక్కెర పండ్ల రసాలు: ప్రాసెస్ చేసిన పండ్ల రసాలలో హెవీ షుగర్ ఉంటుంది. ఇది రక్తంలో చక్కెర స్థాయిలు పెరగడానికి కారణమవుతాయి, అంతేకాదు మధుమేహం వంటి ఆరోగ్య సమస్యలకు దారితీస్తుంది.

ఆల్కహాల్: వేసవిలో ఆల్కహాల్ తాగడం వల్ల డీహైడ్రేషన్‌కు దారి తీయవచ్చు. తలనొప్పి, తల తిరగడం, అలసట వంటి ఇతర ఆరోగ్య సమస్యలు వస్తాయి.

ఇది కూడా చదవండి: ఇది తెలియక ఎక్కువ సేపు వాకింగ్ చేస్తుంటారు.. గుండె బాగుండాలన్నా, నాలుగు రోజులు ఎక్కువ బతకాలన్నా రోజుకు ఎన్ని నిమిషాలు వాకింగ్ చేయాలో తెలుసా..?

ఎనర్జీ డ్రింక్స్: అధిక స్థాయిలో కెఫిన్ కలిగి ఉన్న ఎనర్జీ బూస్టర్‌లు ఉష్ణోగ్రత పెరిగినప్పుడు శరీరం నుండి మొత్తం శక్తిని ఖాళీ చేస్తాయి.

మిల్క్‌షేక్‌లు: మిల్క్‌షేక్‌ల వంటి పాల ఆధారిత పానీయాలు జీర్ణక్రియ సమస్యలను కలిగిస్తాయి. ఉబ్బరం, అసౌకర్యానికి దారితీస్తాయి.

స్పోర్ట్స్ డ్రింక్స్: అధిక స్థాయిలో చక్కెర, ఎలక్ట్రోలైట్స్, శరీరాన్ని డీహైడ్రేట్ చేస్తాయి. అధిక రక్తపోటు, మూత్రపిండాలు దెబ్బతినడం వంటి ఇతర ఆరోగ్య సమస్యలను కలిగిస్తాయి. వేసవిలో హైడ్రేటెడ్ గా ఉండాలంటే సాధారణ నీరు లేదా కొబ్బరి నీళ్లు తాగడం మంచిది.

ఈ అనారోగ్యకరమైన చక్కెర పానీయాలకు బదులుగా, ఆరోగ్య నిపుణులు సాధారణ చల్లని నీరు, కొబ్బరి నీరు , చక్కెర కంటెంట్ తక్కువగా ఉన్న సహజ పండ్ల రసాలను ఎంచుకోవాలని చెబుతున్నారు. ఇవి వేసవిలో మన శరీరాన్ని హైడ్రేట్, ఆరోగ్యంగా ఉంచడానికి అవసరమైన పోషకాలను అందిస్తాయి. ఆహారంలో ఏవైనా మార్పులు చేసే ముందు మీ వైద్యుడిని లేదా డైటీషియన్‌ని సంప్రదించండి.