జట్టు ఎదుగుదలకు ఖరీదైన ఆయిల్స్, షాంపూలు వాడతారు, అయితే కొందరిలో ఈ జుట్టు ఎదుగుదల సరిగా ఉండదు. తల స్నానాలు తరచుగా చేసినా, వేడి పరికరాలతో జుట్టును ఆరబెట్టుకున్నా ఇలా ఏ మార్పు చేసినా కూడా జుట్టు సరిగా ఎదుగుదల లేకుండా పోతుంది. ఈ మధ్య కాలంలో పరిశోధకులు జుట్టులో ఒత్తిడి హార్మోన్‌ను కనుగొన్నారు, దీనిని కొలిచినప్పుడు భవిష్యత్తులో హృదయ సంబంధ వ్యాధుల (CVD) ప్రమాదాన్ని అంచనా వేయవచ్చని తేల్చారు. ఐర్లాండ్‌లోని డబ్లిన్‌లో జరిగిన ఈ సంవత్సరం యూరోపియన్ కాంగ్రెస్ ఆన్ ఒబేసిటీ (ECO)లో సమర్పించబడిన అధ్యయనం, గ్లూకోకార్టికాయిడ్ స్థాయిలు ఒత్తిడికి ప్రతిస్పందనగా స్రవించే స్టెరాయిడ్ హార్మోన్లు వ్యక్తుల వెంట్రుకలలో ఏం మార్పులు జరుగుతున్నాయో కనుగొనవచ్చని తేల్చింది.

వెంట్రుకలపై జరిగిన పరిశోధనల్లో ముఖ్యంగా ఒత్తిడి ఆరోగ్యాన్ని నిర్ణయించడంలో భాగంగా ఉంటుంది. ఇందులో ఎక్కువ కాలం జుట్టు గ్లూకోకార్టికాయిడ్ స్థాయిలు ఎక్కువగా ఉన్న వ్యక్తులు ముఖ్యంగా గుండె , రక్త ప్రసరణ వ్యాధులను అభివృద్ధి చేసే అవకాశాలు ఎక్కువగా కనిపిస్తున్నాయని కనుగొన్నారు. పురుషులు, మహిళలు నుండి 6,341 జుట్టు నమూనాలలో కార్టిసాల్, కార్టిసోన్ స్థాయిలను సేకరించిన బృందం ఈ విషయాలను విశ్లేషించింది. ఇందులో పాల్గొనేవారి జుట్టు పరీక్షించింది. కార్టిసాల్, కార్టిసోన్ స్థాయిలు, సంఘటన CVD మధ్య దీర్ఘకాలిక సంబంధాన్ని అంచనా వేయడానికి సగటున 5-7 సంవత్సరాలు తీసుకుంది.

ఇది కూడా చదవండి: బరువు తగ్గే ప్రయత్నాల్లో ఉంటే మాత్రం వీటికి దూరంగా ఉండటం బెటర్..

దీర్ఘకాలిక కార్టిసోన్ స్థాయిలు ఎక్కువగా ఉన్న వ్యక్తులు స్ట్రోక్ లేదా గుండెపోటు వంటి హృదయ సంబంధ సంఘటనలను రావడానికి రెండు రెట్లు ఎక్కువ అవకాశం ఉందని పరిశోధనలు చూపించాయి. ఈ అవకాశం 57 సంవత్సరాలు లేదా అంతకంటే తక్కువ వయస్సు ఉన్నవారిలో మూడు రెట్లు ఉండబోతుందని తేల్చింది.

అయినప్పటికీ, CVD కేసులలో 57 ఏళ్లు, అంతకంటే ఎక్కువ వయస్సు ఉన్నవారు, హెయిర్ కార్టిసోన్, కార్టిసాల్ CVDతో బలంగా సంబంధం కలిగి లేవు. హృదయ సంబంధ వ్యాధులు వచ్చే ప్రమాదం ఎక్కువగా ఉన్న వ్యక్తులను గుర్తించడంలో వైద్యులకు సహాయపడే ఒక పరీక్షగా హెయిర్ ఎనాలిసిస్ అంతిమంగా ఉపయోగపడుతుంది. బహుశా భవిష్యత్తులో శరీరంలో ఒత్తిడి హార్మోన్ల ప్రభావాలను లక్ష్యంగా చేసుకోవడం శరీరంలో రాబోతున్న మార్పులను ముందుగానే తెలుసుకోవడం సాధ్యం అవుతుందనేది ఈ పరిశోధనల సారాంశం.