నిద్ర అనేది మనిషి శరీరానికి చాలా అవసరం. అయితే నిద్రలేక పోతే అనేక అనారోగ్య సమస్యలు వచ్చిపడతాయి. సరైన నిద్రతోనే జీవినశైలి చురుగ్గా ఉంటుంది. అలాంటిది ఒక్కరోజు కూడా నిద్రపోకుండా ఉండడం ప్రమాదకరమే కాదు దీనితో వచ్చే సమస్యలు అన్నీ ఇన్నీ కావు. దీర్ఘకాల నిద్ర లేమి జ్ఞాపకశక్తి తగ్గిపోవడం, భ్రాంతులు, ఇతర దుష్ప్రభావాలకు కారణమవుతుంది.

నిద్ర లేకుండా అత్యధికంగా నమోదు చేయబడిన సమయం సుమారు 264 గంటలు లేదా వరుసగా 11 రోజులు. కేవలం మూడు లేదా నాలుగు రాత్రులు నిద్ర లేకుండా తర్వాత, భ్రాంతి చెందడం మొదలవుతుంది. ఎక్కువ కాలం నిద్ర లేకుండా ఉండటం అనేక శారీరక విధులను మారుస్తుంది. విపరీతమైన అలసట, హార్మోన్ల అసమతుల్యత, తగ్గిన ప్రేరణ, ప్రమాదకర నిర్ణయాలు, శ్రద్ధ తగ్గుతుంది.

వీటితోపాటు..

జ్ఞాపకశక్తి తగ్గుతుంది.

చిరాకు

భ్రమలు

మతిస్థిమితం

మనోవ్యాధి

నిద్ర లేమితో చనిపోవడం చాలా అరుదు అయినప్పటికీ, అది కూడా జరగవచ్చు.

ఇది కూడా చదవండి: ఈ మూడు కండీషన్స్‌ను పాటించండి చాలు.. అన్నం మానేసి పరోటాలతో బరువు తగ్గాలని ట్రై చేస్తే..!

1. సమతుల్య పౌష్టికాహారం తీసుకోవడం వల్ల ఈ నిద్రలేమి సమస్య నుంచి దూరంగా ఉండవచ్చు.

2. పడుకునే ముందు శరీరాన్ని, మనసును ఒత్తిడికి గురికాకుండా చూసుకోవాలి.

3. క్రమం తప్పకుండా వ్యాయామం చేయడం వల్ల నిద్ర సమయం మరింత మెరుగవుతుంది.

4. నిద్రపోయే రెండు గంటల ముందు కంప్యూటర్లు, టీవీలు, వీడియో గేమ్‌లు, స్మార్ట్‌ఫోన్‌లను ఉపయోగించే అలవాటును మానుకోవాలి.

5. నిద్రలేమి సమస్యతో బాధపడుతుంటే ఉదయాన్నే లేచి కొంత సమయం ఎండలో గడపడం కూడా ఉత్తమమైనది.

6. ఆల్కహాల్‌కు దూరంగా ఉండటం వలన నిద్రలో నుంచి తరచుగా మేల్కొవడం వంటి వాటిని నివారించుకోవచ్చు.

7. పడుకునే ముందు ఎట్టి పరిస్ధితుల్లోనూ టీ, కాఫీలను తీసుకోకూడదు.

8. పూర్తిగా 24 గంటలు లేదా అంతకంటే ఎక్కువ సమయం మేల్కొని ఉండటం శరీరాన్ని ఎలా ప్రభావితం చేస్తుందో చూడండి.