రోజు మొదలవడం అంటే ఖాళీ కడుపుతో టీ, కాఫీ లేదా జ్యూస్‌లు తాగడం వంటివి దాదాపు అదే ఉదయం రొటీన్ గా అలవాటు మనలో చాలామందికి. అయితే, ఈ అలవాట్లలో కొన్ని జీర్ణ ఆరోగ్యానికి మంచివి కావు, అధిక గ్యాస్, ఆమ్లత్వం, ఉబ్బరం వంటి సమస్యలను కలిగిస్తాయి. వీటిని ఉదయాన్నే తీసుకుంటే రోజంతా పొట్ట అసౌకర్యంగా అనిపించే కొన్ని విషయాల గురించి తెలుసుకుందాం.

కాఫీ: కాఫీ తాగేవారు జాగ్రత్త. కాఫీలో కెఫీన్ ఎక్కువగా ఉంటుంది, ఇది కడుపులో హైడ్రోక్లోరిక్ యాసిడ్ ఉత్పత్తిని ప్రేరేపిస్తుంది. ఉదయం పూట కడుపులో ఇప్పటికే అధిక యాసిడ్ స్థాయిలు ఉండటం వల్ల, కాఫీ గ్యాస్, ఎసిడిటీ వంటి సమస్యలను మరింత పెంచుతుంది.

స్పైసీ ఫుడ్: స్పైసీ ఫుడ్‌తో, రోజును ప్రారంభించడం వల్ల, అనారోగ్యానికి గురవుతారు. ఈ ఆహారాలు గ్యాస్, ఎసిడిటీని పెంచుతాయి, ఇది కడుపు నొప్పికి కారణమవుతుంది. హెర్బల్ టీ, నీరు లాంటివి ఎంచుకోవాలి.

ఇది కూడా చదవండి: కూరల్లో ఏ నూనెను వాడుతున్నారు..? వాటికి బదులుగా దీన్ని వాడితే ఏకంగా 5 రోగాల నుంచి బిగ్ రిలీఫ్..!

సోడా లేదా కోలా డ్రింక్స్: కొందరు ఉదయాన్నే సోడా లేదా శీతల పానీయాలు తాగడం వల్ల గ్యాస్ లేదా ఎసిడిటీ నుంచి ఉపశమనం లభిస్తుందని భావిస్తారు. వాస్తవానికి, ఈ పానీయాలలో కార్బొనేషన్ ఉంటుంది, ఇది కడుపులో మరింత గ్యాస్‌ను కలిగిస్తుంది. ఈ అసౌకర్యాన్ని తగ్గించాలంటే ఉదయం ఈ పానీయాలను తగ్గించాలి.

సిట్రస్ పండ్లు : పండ్లు ఆరోగ్యంగా ఉంటాయి, కానీ నారింజ, నిమ్మకాయలు, ద్రాక్ష వంటి సిట్రస్ పండ్లు ఖాళీ కడుపుతో చాలా కఠినంగా ఉంటాయి. అవి యాసిడ్ పెరగడానికి కారణమవుతాయి, ఇది కడుపులో అసౌకర్యం, అపానవాయువు వంటి సమస్యలకు దారితీస్తుంది.