Donald Trump: ఆల్ క్లీయర్.. అధ్యక్ష ఎన్నికల బరిలోకి ట్రంప్‌..!

న్యూహేంప్‌షైర్‌లో ప్రచారం ప్రారంభం

సాలెం(న్యూ హేంప్‌షైర్‌), జనవరి 29: అమెరికా మాజీ అధ్యక్షుడు డొనాల్డ్ ట్రంప్‌ 2024లో జరగనున్న అధ్యక్ష ఎన్నికల బరిలోకి దిగారు. ముందస్తు ఎన్నికలు జరిగే రాష్ర్టాల్లో మద్దతు కూడగట్టేందుకు తొలుత దక్షిణ కరోలినాకు బయలుదేరిన ఆయన శనివారం న్యూహేంప్‌షైర్‌లో కొద్దిసేపు ఆగి ప్రచారాన్ని ప్రారంభించారు. ‘అధ్యక్ష అభ్యర్థిగా ప్రచారాన్ని ఇక్కడి నుంచే ప్రారంభిస్తున్నాం’ అని పార్టీ నాయకులు, కార్యకర్తలను ఉద్దేశించి ప్రకటించారు. గతంలో కంటే తాను చాలా నిబద్ధతతో ఉన్నానని చెప్పారు. మెంఫిస్‌ నగరంలో పోలీసుల హింస కారణంగా టైర్‌ నికోల్స్‌ అనే నల్లజాతీయుడు చనిపోవడం చాలా బాధాకరమని ట్రంప్‌ అన్నారు.