Kuwait: 30వేల మంది విదేశీయులను వెళ్లగొట్టిన కువైత్.. అత్యధికులు భారతీయులే..!

కువైత్ సిటీ: గల్ఫ్ దేశం కువైత్ (Kuwait) గడిచిన కొంతకాలంగా వలసదారుల (Expatriates) పట్ల కఠినంగా వ్యవహరిస్తోంది. ఉల్లంఘనలకు పాల్పడే ప్రవాసులపై ఉక్కుపాదం మోపుతోంది. వరసు తనిఖీలతో విదేశీయులకు చుక్కలు చూపిస్తోంది. రెసిడెన్సీ, కార్మిక చట్టాల ఉల్లంఘనలకు పాల్పడినట్లు తెలితే దేశం నుంచి బహిష్కరించడం చేస్తోంది. ఈ నేపథ్యంలో గతేడాది ఆ దేశ అంతర్గత వ్యవహారాల మంత్రిత్వ శాఖ (Ministry of Interior) ఏకంగా 30వేల మంది విదేశీయులను దేశం నుంచి బహిష్కరించినట్లు తాజాగా వెలువడిన గణాంకాలు చెబుతున్నాయి. ఇందులో 660 న్యాయపరమైన బహిష్కరణలు (Deportation) కాగా, మిగిలినవి అడ్మినిస్ట్రేటివ్ బహిష్కరణలు.

అలాగే దేశం నుంచి వెళ్లగొట్టిన 30వేల మందిలో 17వేల మంది పురుషులు ఉంటే.. 13వేల మంది మహిళలు ఉన్నారు. ఇక దేశాలవారీగా చూసుకుంటే.. అత్యధికులు భారతీయ ప్రవాసులే (Indian Expats) ఉన్నారు. 8,100 మందితో మనం ఈ బహిష్కరణ జాబితాలో టాప్‌లో ఉన్నాం. ఇందులో 6400 మంది పురుషుల, 1700 మంది మహిళలు ఉన్నారు. మన తర్వాత వరుసగా బంగ్లాదేశ్(3,500), ఈజిప్ట్(3,000), ఫిలిప్పీన్స్(3,000), శ్రీలంక(2,600), ఇథియోపియా(1,400) ఉన్నాయి.