మస్కట్: ఒమాన్ రాజధాని మస్కట్‌లో (Muscat) తాజాగా 11 మంది ప్రవాసులను అక్కడి కార్మిక మంత్రిత్వశాఖ (Ministry of Labour) అధికారులు అదుపులోకి తీసుకున్నారు. అనంతరం వారిని రాయల్ ఒమాన్ పోలీసులకు అప్పగించారు. మస్కట్ గవర్నరేట్ పరిధిలో కార్మిక చట్టాల ఉల్లంఘనకు పాల్పడినందుకే వారిని అరెస్ట్ చేసినట్లు పోలీసులు తెలిపారు. డైరెక్టరేట్ జనరల్ ఆఫ్ లేబర్ వెల్ఫేర్ ప్రాతినిధ్యం వహిస్తున్న కార్మిక మంత్రిత్వశాఖ, రాయల్ ఒమాన్ పోలీసులు (Royal Oman Police) సంయుక్తంగా చేపట్టిన తనిఖీలలో ఇలా ప్రవాసులు పట్టుబడ్డారు. వారిపై తదుపరి చట్టపరమైన చర్యలు ఉంటాయని అధికారులు పేర్కొన్నారు. ఇక అధికారులు అదుపులోకి తీసుకున్న 11 మందిలో ఆరుగురు మహిళలు ఉన్నారు. కార్మిక, రెసిడెన్సీ చట్టాలను ఉల్లంఘించేవారిని ఎట్టిపరిస్థితుల్లో ఉపేక్షించబోమని ఈ సందర్భంగా సంబంధిత అధికారులు స్పష్టం చేశారు. నివాసితులు, వలసదారులందరూ (Expatriates) సుల్తానేట్ చట్టాలకు లోబడి ఉండాల్సిందిగా తెలిపారు. లేనిపక్షంలో కఠిన చర్యలు ఉంటాయని హెచ్చరించారు.

WhatsApp: ఎల్లలు దాటిన వాట్సాప్ సందేశం.. ఆఫ్రికాలో ఉన్న తండ్రికి తెలుగునాట తప్పిపోయిన బిడ్డ ఆచూకీ తెలిసిందిలా..