మనీలా: ఫిలిప్పీన్స్‌లో ఓ తెలుగు విద్యార్థి అనుమానాస్పదస్థితిలో మృతి చెందాడు. దవోవ మెడికల్ స్కూల్‌లో (Davao Medical School) వైద్య విద్యను అభ్యసిస్తున్న గూడూరు మణికాంత్ రెడ్డి (Guduru Manikanth Reddy) అనుమానాస్పదంగా చనిపోయాడు. మణికాంత్ రెడ్డి మృతిపై ఫిలిప్పీన్స్ పోలీసులు దర్యాప్తు చేస్తున్నారు. వివరాల్లోకి వెళ్తే.. యాదాద్రి భువనగిరి జిల్లా భూదాన్ పోచంపల్లి మండలం రామలింగంపల్లి గ్రామానికి చెందిన మణికాంత్ రెడ్డి ఎనిమిది నెలల క్రితం ఉన్నత చదువుల కోసం ఫిలిప్పీన్స్ వెళ్లాడు. అక్కడి దవోవ మెడికల్ స్కూల్‌లో వైద్య విద్యను అభ్యసిస్తున్నాడు.

ఆదివారం (ఏప్రిల్ 23న) తెల్లవారుజామున మణికాంత్ రెడ్డి అనుమానాస్పదంగా మృతి చెందినట్లు దవోవ మెడికల్ స్కూల్ యాజమాన్యం ఫోన్ చేసి అతడి తల్లిదండ్రులు గూడూరు రాంరెడ్డి, రాధకు సమాచారం అందించారు. ఆదివారం ఉదయం కళాశాలకు చెందిన హాస్టల్ డ్రైనేజీ కాలువ వద్ద అనుమానాస్పద స్థితిలో పడి ఉన్న అతడి మృతదేహాన్ని గుర్తించినట్లు వారు తెలిపారు. ఈ విషయం తెలుకున్న పేరెంట్స్ కన్నీరుమున్నీరు అవుతున్నారు. ఈ ఘటనతో మణికాంత్ రెడ్డి స్వస్థలం రామలింగంపల్లిలో విషాదం అలుముకుంది. ఫిలిప్పీన్స్ (Philippines) నుంచి కుమారుడి మృతదేహాన్ని స్వదేశానికి తీసుకురావడానికి తల్లిదండ్రులు సహకరించాల్సిందిగా జిల్లాకు చెందిన నాయకుల ద్వారా రాష్ట్ర ప్రభుత్వానికి విజ్ఞప్తి చేశారు.

UAE: పాపం.. భారత ప్రవాసుడు.. ఈ ఏడాది పెళ్లి చేసుకుని సెటిల్ అవుదామనుకున్నాడు.. కానీ, ఊహించని విధంగా..