ఎన్నారై డెస్క్: యునైటెడ్ అరబ్ ఎమిరేట్స్ (United Arab Emirates) పాస్‌పోర్ట్‌ ప్రపంచంలోనే మోస్ట్ పవర్‌ఫుల్ ట్రావెల్ డాక్యూమెంట్‌గా నిలిచింది. తాజాగా ఆర్టాన్ క్యాపిటల్స్ ఇండెక్స్ ఆఫ్ వరల్డ్ మోస్ట్ పవర్‌ఫుల్ పాస్‌పోర్ట్‌ (Arton Capital’s Index of the world’s most powerful passport) ఈ విషయాన్ని వెల్లడించింది. యూఏఈ పాస్‌పోర్టుతో (UAE passport) వీసా లేకుండా ఏకంగా 180 దేశాలకు వెళ్చొచ్చు. వీటిలో 127 దేశాలకు వీసా రహితంగా వెళ్లే వెసులుబాటు ఉండగా, మరో 53 దేశాలకు వీసా ఆన్ ‌అరైవల్ సౌకర్యం ఉంది. ఏడు యూరోపియన్ దేశాలను వెనక్కి నెట్టి మరి యూఏఈ (UAE) ఈ ఘనతను సాధించడం విశేషం. జర్మనీ, స్వీడెన్, ఫ్రాన్స్, ఇటలీ, ఆస్ట్రేలియాతో పాటు జపాన్ పాస్‌పోర్టును కూడా యూఏఈ పాస్‌పోర్ట్ వెనక్కి నెట్టడం విశేషం.

ప్రపంచంలోనే అత్యంత ఎత్తైన భవంతి (బుర్జ్ ఖలీఫా), లోతైన స్విమ్మింగ్ పూల్, ఎత్తైన హోటల్ తదితర ప్రత్యేకమైన కట్టడాలతో యూఏఈ తన ప్రత్యేకతను చాటుకుని ఈ అరుదైన మైలురాయిని చేరుకుంది. ఇక మంత్రి షేక్ అబ్దుల్లా బిన్ జాయెద్ అల్ నహ్యాన్ ఆదేశాల మేరకు 2021 నాటికి వరల్డ్‌లోని 5 ప్రధాన పాస్‌పోర్టుల జాబితాలో యూఏఈ పాస్‌పోర్టును ఉంచాలనే ఏకైక ఉద్దేశంతో విదేశీ వ్యవహారాల మంత్రిత్వ శాఖ ఇటీవల యూఏఈ పాస్‌పోర్ట్ ఫోర్స్‌ చొరవను ప్రారంభించింది. దీని టార్గెట్ యూఏఈ 2021 విజన్ యూనియన్ స్వర్ణోత్సవం నాటికి దేశాన్ని ప్రపంచంలోని అత్యుత్తమ దేశాలలో ఒకటిగా మార్చడమే. ఇప్పటికే యూఏఈ పౌరులు 26 స్కెంజెన్ దేశాలకు వీసా లేకుండా ప్రయాణించే మినహాయింపు పొందారు.

Indian American: హిందీలో మాట్లాడడమే ఈ భారతీయ వ్యక్తి చేసిన తప్పు.. ఉద్యోగం నుంచి తొలగించిన అమెరికన్ కంపెనీ