Shocking Video: భయ్యా.. ఇది పిచ్చి కాకపోతే మరేంటి? సిగరెట్ వెలిగించడం కోసం ఇంతటి సాహసం చేయాలా? వేలిని కాల్చుకుని..

సోషల్ మీడియా (Social Media) అందుబాటులోకి వచ్చాక చాలా మంది రకరకాల విన్యాసాలు చేస్తున్నారు. ఇన్‌స్టాగ్రామ్ (Instagram), ట్విటర్ (Twitter) వంటి సామాజిక మాధ్యమాల్లో పాపులర్ అయ్యేందుకు ఏం చేయడానికైనా వెనుకాడడం లేదు. కొందరు ప్రాణాంతక సాహసాలు చేసేందుకు కూడా సిద్ధమవుతున్నారు. ప్రస్తుతం వైరల్ అవుతున్న ఓ వీడియో (Viral Video) చూస్తుంటే సోషల్ మీడియా పిచ్చి ఏ స్థాయిలో ఉందో అర్థమవుతోంది. ఆ వీడియోలోని ఓ కుర్రాడు సిగరెట్ (Cigarette) వెలిగించడం కోసం తన వేలిని (Finger)కాల్చుకున్నాడు. ఆ వీడియో (Shocking Video) సోషల్ మీడియాలో వైరల్ అవుతోంది.

@HumansNoContext అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలోని ఓ కుర్రాడు తన చేతి వేళ్లను బైక్ పెట్రోల్ ట్యాంకులో పెట్టాడు. వేలికి పెట్రోల్ (Petrol) అంటుకున్నాక దానిని తీసి బైక్ ప్లగ్ దగ్గర పెట్టాడు. బైక్ సెల్ఫ్ స్టార్ట్ చేసినపుడు లోపలి నుంచి స్పార్క్ వచ్చి ఆ కుర్రాడి వేలికి ఉన్న పెట్రోల్ వల్ల మంట (Fire) రేగింది. ఆ మంటతో ఆ కుర్రాడు తన నోటిలో ఉన్న సిగరెట్‌ను వెలిగించుకున్నాడు. ఈ వీడియో సోషల్ మీడియాలో చాలా మంది ఆశ్చర్యానికి గురి చేస్తోంది. ఇది పిచ్చి అని జనాలు అనుకుంటున్నారు.

ఈ వైరల్ వీడియోను ఇప్పటివరు 2.3 కోట్ల మందికి పైగా వీక్షించారు. 9 వేల మందికి పైగా లైక్ చేశారు. ఈ వైరల్ వీడియోను జనాలు ఆగ్రహం వ్యక్తం చేస్తున్నారు. ``నిప్పుతో ఆటలాడితే ప్రాణాలకే ప్రమాదం``, ``ఆ వ్యక్తి మానసిక అనారోగ్యంతో బాధపడుతున్నాడు``, ``వ్యూస్ కోసం ఇలాంటి పిచ్చి పనులు చేయకు బ్రదర్``, ``ఈ ప్రపంచంలో మూర్ఖులకు కొదవ లేదు`` అంటూ నెటిజన్లు కామెంట్లు చేస్తున్నారు.