Viral video: సైకిల్‌ను కాదు.. జీవితాన్ని బ్యాలెన్స్ చేస్తున్నాడు.. యువకుడి అద్భుత ట్యాలెంట్‌పై నెటిజన్ల కామెంట్లు!

కూటి కోసం కోటి విద్యలు అంటారు. ఆకలి ఎంతటి కష్టాన్నైనా భరించే శక్తినిస్తుంది. అంతేకాదు అద్బుతమైన ట్యాలెంట్‌ (Talent)ను కూడా అలవర్చుకునేలా చేస్తుంది. తాజాగా ఈజిప్టు (Egypt)లోని కైరోలో ఓ యువకుడి ఫీట్ చూస్తే ఔరా అనక తప్పదు. ప్రస్తుతం ఆ వీడియో సోషల్ మీడియాలో బాగా వైరల్ అవుతోంది. ఆ కుర్రాడి ట్యాలెంట్‌పై నెటిజన్లు ప్రశంసలు కురిపిస్తున్నారు. bicyclefilmfestival అనే ఇన్‌స్టాగ్రామ్ హ్యాండిల్‌లో ఈ వీడియో (Viral Video) షేర్ అయింది.

వైరల్ అవుతున్న ఆ వీడియోలో ఓ కుర్రాడు సైకిల్ (bicycle) మీద వెళ్తున్నాడు. ఆ కుర్రాడి తలపై బ్రెడ్ల (Breads)తో నిండిన రెండు పొడవైన ట్రేలు ఒకదానిపై ఒకటి అమర్చి ఉన్నాయి. ఆ కుర్రాడు కనీసం ఆ సైకిల్ హ్యాండిల్‌ కూడా పట్టుకోకుండా తొక్కుతున్నాడు. కార్లు, ఇతర వాహనాలు తిరుగుతున్న ఆ రోడ్డుపై ఆ కుర్రాడు తన సైకిల్‌ను బ్యాలెన్స్ చేస్తున్న విధానం ఆకట్టుకుంటోంది. సైకిల్ మీదే ఆ కుర్రాడు ఈజిప్టులోని కైరో (Cairo)లో బ్యాకరీలకు బ్రెడ్‌లను సప్లై చేస్తున్నాడు. ఈ వీడియో చాలా మందిని ఆకట్టుకుంటోంది.

Apple: యాపిల్ కొత్త అప్‌డేట్ తెచ్చిన తంటా.. తన పేరును మార్చుకున్న యువతి.. అసలు కథేంటో తెలిస్తే..

సోషల్ మీడియాలో వైరల్ అవుతున్న ఈ వీడియోలకు లక్షల్లో వ్యూస్ వచ్చాయి. 29 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో కామెంట్లు చేశారు. ``ఆ కుర్రాడి ట్యాలెంట్ అమోఘం``, ``సైకిల్‌ను కాదు.. జీవితాన్ని బ్యాలెన్స్ చేస్తున్నాడు..``, ``అవసరం ఎన్ని విద్యలైనా నేర్పుతుంది`` అంటూ నెటిజన్లు కామెంట్లు చేశారు.