Viral Video: ఇదెక్కడి సరదా బ్రదర్.. కదులుతున్న లారీలో ఎలా ఎంజాయ్ చేస్తున్నాడో చూడండి.. వైరల్ అవుతున్న వీడియో!

ఒక్కొక్కరికీ ఒక్కో రకమైన సరదా ఉంటుంది.. అవి తీర్చుకునేందుకు కొందరు ప్రమాదాలను కూడా లెక్క చేయరు.. చిన్న వాళ్లకే కాదు.. పెద్ద వాళ్లు కూడా ఫన్నీగా ప్రవర్తిస్తుంటారు.. ప్రపంచవ్యాప్తంగా ఇలాంటి వాళ్లు చాలా మంది ఉంటారు.. ప్రస్తుతం వైరల్ అవుతున్న ఓ వీడియో (Jugaad Video) చూస్తే ఆశ్చర్యపోక తప్పదు.. వైరల్ అవుతున్న ఆ వీడియోలో ఓ వ్యక్తి కదులుతున్న లారీలో ఉయ్యాల కట్టుకుని ఊగుతున్నాడు.. ఆ వీడియో (Viral Video)చూసి చాలా మంది ఆశ్చర్యపోతున్నారు.

badboy అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో రద్దీ రోడ్డుపై ఓ లారీ (Lorry) వేగంగా వెళ్తోంది. కదులుతున్న ఆ లారీ వెనుక భాగంలో ఓ వ్యక్తి మంచం వేసుకుని కూర్చున్నాడు. అతడి వెనుకాల ఓ వ్యక్తి తాళ్లను ఉయ్యాలలా ఏర్పాటు చేసుకుని ముందుకూ, వెనక్కీ ఊగుతున్నాడు (Swinging in a moving truck). ఆ లారీ వెనకాల వెళ్తున్న ఓ వ్యక్తి ఆ ఘటనను వీడియో తీసి సోషల్ మీడియాలో పోస్ట్ చేశాడు. ఆ వీడియో సోషల్ మీడియాలో వైరల్‌గా మారింది.

Daughter: ``మా నాన్నను అమ్మేస్తున్నా.. రూ.2 లక్షలు ఉంటే సంప్రదించండి``.. తండ్రి మీద ఆ కూతురికి ఎందుకంత కోపమంటే..

ఆ వీడియోను మిలియన్ల మందికి పైగా వీక్షించారు. 4.5 లక్షల మంది కంటే ఎక్కువగా ఆ వీడియోను లైక్ చేశారు. ఆ వీడియోపై నెటిజన్లు తమదైన శైలిలో కామెంట్లు చేస్తున్నారు. ఆ వీడియోను చూసి కొందరు ఎంజాయ్ చేస్తుంటే, మరికొందరు ఆగ్రహం వ్యక్తం చేస్తున్నారు. ``తమ్ముడూ.. జాగ్రత్త.. తేడా వస్తే రోడ్డు మీద పడతావు``, ``చిన్న పిల్లాడిలా ఎంజాయ్ చేస్తున్నాడు`` అంటూ నెటిజన్లు కామెంట్లు చేస్తున్నారు.